ПРЕМИЕРА НА КРАТКИОТ ИГРАН ФИЛМ „ДРУГАРОТ“

Во Кинотеката на Македонија премиерно беше прикажан краткиот игран филм ДРУГАРОТ, по сценарио и во режија на Димитар Оровчанец.

Поднасловен како „Краток филм за револуцијата и нејзините деца“, ДРУГАРОТ на Оровчанец е сторија за преиспитувањето на идеолошкото минато на главниот јунак, кој го толкува ветеранот Петар Арсовски. Во другите улоги настапуваат Ѓорѓи Нешковски, Ангела Димитрова и Касија Георгиева.

Мотото на ДРУГАРОТ гласи „Од смртта ќе куртулиш само ако ја заборавиш“. Продуценти на филмот се „Самојлик филм продукција“, „Трис филмс“ и „Диверс филм продукција“, а филмот е финансиски поддржан од Агенцијата за филм.