Со проекцијата на краткиот игран филм КУЧЕТО ГЛЕДА (Dog is watching), во Кинотеката започна омажот на шведскиот филмски автор Јохан Мелин (Johan Melin).
До 30 јуни (недела) ќе имаме прилика да видиме 10 краткометражни и долгометражни филмови на Мелин, кој ги поздрави присутните во киносалата и ги претстави неговите филмови, реализирани во периодот од последниве две децении.
Првата вечер имавме прилика да видиме 4 краткометражни филмови на Мелин: КУЧЕТО ГЛЕДА (Dog is watching), ПОД НУЛАТА (Below down Zero), СТЕПСКИ ВОЛЦИ (Steppenwolves) и МИН ОРТ – ЉУБОВНА ПРИКАЗНА (Min Ort – A Love Story), а по проекцијата авторот се дружеше со филмофилите на журката со одлична музика и освежувања во дворот на Кинотеката.
Во наредните четири вечери посветени на Јохан Мелин публиката ќе има можност да ги види овие наслови:
27 ЈУНИ (ЧЕТВРТОК) 20:00 ч.
РОДИОН РАСКОЛНИКОВ
(Rodion Raskolnikov)
Игран филм, Данска
2013, 17 мин., колор, ДЦП
Режија и сценарио: Јохан Мелин (Johan Melin)
Улоги: Кристофер Сване, Ана Фабрициус, Елена Бундаловиќ, Здравко Милановиќ, Јете Карла Нилсен (Christoffer Svane, Anna Fabricius, Elena Bundalovic, Zdravko Milanovic, Jette Carla Nielsen)
Немa филмска адаптација на „Злосторство и казна“ на Достоевски каде Родион Расколников шета наоколу со ужасна наполеонова идеја: да го убие лихварот, коренот на сето зло… А веќе го нашол и оружјето…
Возрасна категорија: 14 години
Влезница: бесплатен влез
27 ЈУНИ (ЧЕТВРТОК) 20:00 ч.
МАЛО ГРАТЧЕ
(Köftbögen)
Игран филм, Данска
2003, 76 мин., колор, ДЦП
Режија и сценарио: Јохан Мелин (Johan Melin)
Улоги: Сверир Гуднасон, Тове Апелквист, Тед Франсон, Рајнер Гердес, Матиас Ост Кфотбоген (Sverrir Gudnason, Tove Appelqvist, Ted Fransson, Rainer Gerdes, Mattias Östh Köftbögen)
Ова е дебитантен и автобиографски филм за Јохан, панк-рокерот и сонувачот чија девојка Карин ќе замине за Херјунга. Ова е филм за растењето, за панк-рок музиката и за преживувањето во еден град каде ништо не се случува. Мелин имал само 21 година кога го режирал овој филм со мал буџет, пред да се пресели во Копенхаген, каде ќе ги започне филмските студии.
Возрасна категорија: 14 години
Влезница: бесплатен влез
28 ЈУНИ (ПЕТОК) 20:00 ч.
ОСВЕТЛУВАЊЕ
(The Brightening)
Игран филм, Данска
2018, 75 мин., колор, ДЦП
Режија и сценарио: Јохан Мелин (Johan Melin)
Улоги: Рајнер Гердес, Ана Фабрициус, Патриција Шуман, Томас Кнут-Винтерфелд, Андерс Хове (Rainer Gerdes, Anna Fabricius, Patricia Schumann, Thomas Knuth-Winterfeldt, Anders Hove)
Данте има писателска криза и работи во кланицата на неговиот свекор. Наскоро треба да стане татко. Но, Господ побара од Данте да го убие премиерот за Господ повторно да се симне на земјата. Данте ќе ја запознае Наталија, а таа ќе стане неговата муза. И Наталија исто така знае како да контактира со Господ. Ова е психоделична драма за љубовта и смртта. И ова ќе биде премиерно прикажување на филмот ОСВЕТЛУВАЊЕ.
Возрасна категорија: 14 години
Влезница: бесплатен влез
29 ЈУНИ (САБОТА) 19:00 ч.
ПРЕЛУДИУМ
(Preludium)
Игран филм, Данска
2008, 103 мин., колор, ДЦП
Режија и сценарио: Јохан Мелин (Johan Melin)
Улоги: Ана Фабрициус, Патриција Шуман, Лаи Иде, Томас Кнут-Винтерфелд, Рајнер Гердес (Anna Fabricius, Patricia Schumann, Lai Yde, Thomas Knuth-Winterfeldt, Rainer Gerdes)
Ова е приказна за неколкумина скршени луѓе кои се обидуваат да најдат среќа и да живеат во сегашноста. Филмот е снимен во еден долг кадар, низ Копенхаген – 20 актери и кинематограф со скејтборд. Ова е прв наративен филм снимен во еден кадар, а она што не го знаеле филмаџиите е фактот дека Ирак победил на Азиското првенство во фудбал и дека Копенхаген таа ноќ експлодирал во радост и лудило.
Возрасна категорија: 14 години
Влезница: бесплатен влез
29 ЈУНИ (САБОТА) 21:00 ч.
ПРОРОШТВО
(Profetia)
Игран филм, Данска
2009, 106 мин., колор, ДЦП
Режија и сценарио: Јохан Мелин (Johan Melin)
Улоги: Ана Фабрициус, Патриција Шуман, Анете Карлсен, Кристофер Сване, Сана Тор, Рајнер Гердес, Петер Хесе Овергард (Anna Fabricius, Patricia Schumann, Anette Karlsen, Svane, Sanna Thor, Rainer Gerdes, Peter Hesse Overgaard)
Ова е филмот што следи по ПРЕЛУДИУМ, каде раскршените приказни оживуваат преку Софи Јенсес, пропадната писателка која решила да изгори сè што некогаш напишала во еден чудeн амфитеатар во Копенхаген.
Возрасна категорија: 14 години
Влезница: бесплатен влез
30 ЈУНИ (НЕДЕЛА) 20:00 ч.
МИН ОРТ – ОВА Е ШВЕДСКА
(Min Ort – This is Sweden)
Игран филм, Данска
2018, 75 мин., колор, ДЦП
Режија и сценарио: Јохан Мелин (Johan Melin)
Улоги: Амина Скоратовска, Мина Францен, Себастиан Теодорсон, Денис Игнасио, Саид Вилјам Леге и многу други (Amina Skoratovska, Mina Franzén, Sebastian Theodorsson, Deniece Ignacio, Said William Legue and many more)
Ова е вториот филм од „Гетеборг проџект Мин Орт“. Кога братот на Амина, Мустафа, ќе исчезне, таа ќе се обиде да открие што се случило. Но сè е една голема мешаница во предградијата – во обид да го пронајде својот брат, таа ќе мора да ги натера бандите да соработуваат.
Возрасна категорија: 14 години
Влезница: бесплатен влез
