1 ЈУЛИ (ВТОРНИК) 20:00 ч.
8 ЈУЛИ (ВТОРНИК) 20:00 ч.
ДИВИОТ ДИЈАМАНТ
(Diamant brut/Wild Diamond)
Игран филм, Франција
2024, 103 мин., колор, ДЦП
Режисер: Агата Рајдингер (Agathe Riedinger)
Сценарио: : Агата Рајдингер (Agathe Riedinger)
Улоги: Алексис Маненти, Антониа Буреси, Идир Азугли, Андреа Бесконд, Малу Кебизи, Ешли Романо, Килиа Фернане, Леа Гориа, Александра Ноизие (Alexis Manenti, Antonia Buresi, Idir Azougli, Andréa Bescond, Malou Khebizi, Ashley Romano, Kilia Fernane, Léa Gorla, Alexandra Noisier)
Деветнаесетгодишната Лиана живее со својата сестра и мајка во Фрежис, мало гратче на југот на Франција. Опседната со убавина и слава, таа се пријавува за реално шоу познато како „Островот на чудата“.
Возрасна категорија: 16 години
Влезница: 150 денари
3 ЈУЛИ (ЧЕТВРТОК) 20:00 ч.
4 ЈУЛИ (ПЕТОК) 20:00 ч.
10 ЈУЛИ (ЧЕТВРТОК) 20:00 ч.
11 ЈУЛИ (ПЕТОК) 20:00 ч.
17 ЈУЛИ (ЧЕТВРТОК) 20:00 ч.
18 ЈУЛИ (ПЕТОК) 20:00 ч.
75год. ДФРМ
5 ЈУЛИ (САБОТА) 20:00 ч.
14 ЈУЛИ (САБОТА) 20:00 ч.
ЖИВОТНО
(Animale)
Игран филм, Франција, Белгиј, Саудиска Арабија
2025, 98 мин., колор, ДЦП
Режија: Ема Бенестан (Emma Benestan)
Сценарио: Ема Бенестан, Џули Дебитон (Emma Benestan, Julie Debiton)
Улоги: Улаја Амамра, Дануеб Ребател, Вивен Роддригез, Клод Шабалие, Пјер Ру (Oulaya Amamra, Damien Rebattel, Vivien Rodriguez, Claude Chaballier, Pierre Roux)
Неима тренира напорно за да победи на локалното натпреварување во борба со бикови. По еден настан, таа забележува вознемирувачки промени, а веста за немирниот бик кој побегнал на слобода почнува да ја плаши заедницата.
Возрасна категорија: 16 години
Влезница: 150 денари
7 ЈУЛИ (ПОНЕДЕЛНИК) 20:00 ч.
14 ЈУЛИ (ПОНЕДЕЛНИК) 20:00 ч.
OБЈАСНУВАЊЕ ЗА СĖ
(Magyarázat mindenre/Explanation for Everything)
Игран филм, Унгарија, Словачка
2024, 151 мин., колор, ДЦП
Режисер: Габор Реиш (Gábor Reisz)
Сценарио: : Габор Реиш, Ева Шулце (Gábor Reisz, Éva Schulze)
Улоги: Гашпар Адониј – Валш, Иштван Знаменак, Рушнак Андраш, Ребека Хатазо, Елиза Содро (Gáspár Adonyi-Walsh, István Znamenák, Rusznák András, Rebeka Hatházi, Eliza Sodró)
Лето е во Будимпешта, средношколецот Абел не може да се фокусира на завршните испити поради неговата безнадежна љубов кон неговата најдобра пријателка Јанка. Разумната Јанка страда и од невозвратена љубов кон оженетиот учител по историја, Јакоб, кој има конфликти со конзервативниот татко на Абел. Тензиите во поларизираното општество неочекувано излегуваат на површина, а испитот по историја на средно училиште на Абел се претвора во национален скандал.
Возрасна категорија: 16 години
Влезница: 150 денари
9 ЈУЛИ (СРЕДА) 20:00 ч.
16 ЈУЛИ (СРЕДА) 20:00 ч.
ЖЕНА ОД
(Kobieta z….)
Игран филм, Полска, Шведска
2024, 132 мин., колор, ДЦП
Режисер: Малгоржата Шумовска, Михал Енглерт (Malgorzata Szumowska, Michal Englert)
Сценарио: Малгоржата Шумовска, Михал Енглерт (Malgorzata Szumowska, Michal Englert)
Улоги: Малгоржата Хајевска – Кршичтофик, Јоана Кулиг, Матеуш Вјецлавек, Богумила Бајор, Јержи Бончак, Ана Томашевска (Małgorzata Hajewska – Krzysztofik, Joanna Kulig, Mateusz Wieclawek, Bogumila Bajor, Jerzy Bonczak, Anna Tomaszewskа )
Филмот опфаќа четириесет и пет години од животот на Аниела Весол, која повеќе од половина од својот живот го живее во еден провинциски полски град, како маж. Патувањето на Аниела за да пронајде лична слобода како трансродова жена ги открива тешкотиите со кои се соочува во бракот, родителството, затегнатите семејни односи. Комплицираните ставови во околината водат до безнадежни ситуации. Какви одлуки ќе мора да донесе Аниела?
Возрасна категорија: 16 години
Влезница: 150 денари
15 ЈУЛИ (ВТОРНИК) 20:00 ч.
22 ЈУЛИ (ВТОРНИК) 20:00 ч.
ДЕВОЈКИ ОД БАЛКОНОТ
(Balconettes)
Игран филм, Франција
2025, 104 мин., колор, ДЦП
Режија: Ноеми Мерлан (Noémie Merlant)
Сценарио: Сухејла Јакуб, Санда Кодреану, Ноеми Мерлан (Souheila Yacoub, Sanda Codreanu, Noémie Merlant)
Улоги: Сухејла Јакуб, Санда Кодреану, Ноеми Мерлан, Лукас Браво, Надеж Босен Диан, Кристоф Монтенез (Souheila Yacoub, Sanda Codreanu, Noémie Merlan) (Souheila Yacoub, Sanda Codreanu, Noémie Merlant, Lucas Bravo, Nadège Beausson-Diagne, Christophe Montenez)
За време на топлотниот бран во Марсеј, три жени се заглавени во стан и копнеат по слобода.
ДЕВОЈКИ ОД БАЛКОНОТ е вториот долгометражен филм на француската актерка Ноеми Мерлант, првенствено позната како актерка, после нејзиното многу успешно деби од 2021 година Mi Iubita Mon Amour (2021 година).
Возрасна категорија: 16 години
Влезница: 150 денари
19 ЈУЛИ (САБОТА) 20:00 ч.
АРМАНД
(Armand)
Игран филм, Норвешка, Холандија, Германија, Шведска
2025, 116 мин., колор, ДЦП
Режија: Халфдан Улман Тондел (Halfdan Ullmann Tøndel)
Сценарио: Халфдан Улман Тондел (Halfdan Ullmann Tøndel)
Улоги: Ренат Реинзве, Јостејн Рогер, Ендре Хелествеит, Теа Ламбрехтс Ваулен, Локе Николаисен, Вера Вељовиќ-Јовановиќ) (Renate Reinsve, Ellen Dorrit Petersen, Øystein Røger, Endre Hellestveit, Thea Lambrechts Vaulen, Loke Nikolaisen, Vera Veljovic-Jovanović)
Едно кобно попладне во основно училиште, шестгодишниот Арманд е обвинет дека бил арогантен кон својот најдобар пријател Џон. Набргу потоа, мајките на двете момчиња влегуваат во судир, очајнички обидувајќи се да откријат чие дете е навистина виновно. Иако никој не знае што всушност се случило, овој инцидент брзо ескалира во хаотична мрежа од обвинувања, психолошки игри и емоционални пресметки меѓу родителите и наставниците.
АРМАНД, дебитантскиот филм на норвешкиот режисер Халфдан Улман Тендел(внук на Лив Улман и Ингмар Бергман), награден со „Златна камера“ во Кан 2024 е смела интензивна драма која храбро ги истражува темите на родителската одговорност, општествените маски и кршливоста на човечката психа.
Возрасна категорија: 16 години
Влезница: 150 денари
21 ЈУЛИ (ПОНЕДЕЛНИК) 20:00 ч.
ФИЛАДЕЛФИСКА ПРИКАЗНА
(The Philadelphia Story)
Игран филм, САД,
1940, 112 мин., црно бел, 35мм
Режисер: Џорџ Цукор (George Cukor)
Сценарио: Доналд Огден Стјуарт (Donald Ogden Stewart)
Улоги: Кери Грант Кетрин Хепберн, Џејмс Стјуарт, Рут Хуси (Cary Grant, Katharine Hepburn, James Stewart, Ruth Hussey)
ФИЛАДЕЛФИСКА ПРИКАЗНА е американска романтична комедија од 1940 година во режија на Џорџ Кукор, со Кери Грант, Кетрин Хепберн, Џејмс Стјуарт и Рут Хаси во главните улоги. Филмот е заснован на истоимената драма на Бродвеј од 1939 година за богата наследничка и социјалистка чии планови за венчавка се комплицираат со пристигнувањето на нејзиниот поранешен сопруг и новинар од таблоиден магазин.
Со оваа фуриозно духовита романтична скрубол-комедија, Кетрин Хепберн ја ревитализираше својата кариера и го зацврсти својот статус на една од водечките филмски ѕвезди на ерата – дотолку повеќе што таа е еден од продуцентите на филмот. Хепберн ја играше главната улога во истоимената театарска претстава напишана од Филип Бери, успева да ги добие правата за текстот и го избира својот пријател Џорџ Кјукор за режисер. Одличната сценаристичка адаптацаја на Доналд Огден Стјуарт и култните улоги на Кетрин Хепберн (како богата и дива наследничка од Филаделфија) Кери Грант (како нејзин харизматичен поранешен сопруг) и Џејмс Стјуарт, со неговата единствена изведба наградена со Оскар.
ФИЛАДЕЛФИСКА ПРИКАЗНА е една од најдобрите романтични комедии од златната ера на Холивод, задолжителна лектира за сите љубители на класичните холивудски филмови.
Возрасна категорија: 16 години
Влезница: 150 денари
25 ЈУЛИ (ПЕТОК) 20:00 ч.
30 ЈУЛИ (СРЕДА) 20:00 ч.
ХОКУС-ПОКУС ДИПЛОДОКУС
(Diplodocus)
Игран филм, Чешка, Полска, Словачка
2025, 90 мин., колор, ДЦП
Режисер: Војтек Вавшчик (Wojtek Wawszczyk)
Сценарио: Војтек Вавшчик, Тадеуш Барановски (Wojtek Wawszczyk, Tadeusz Baranowski)
Улоги: Хелена Енглерт, Јелена Голдфинч, Пјотр Полак (Helena Englert, Jelena Goldfinch, Piotr Polak)
Диплодокус е мал, љубопитен диносаурус чии родители исчезнале под мистериозни околности.
Тој оди во авантура за да ги пронајде и спаси своите родители кои исчезнале под мистериозни околности. Заедно со еден волшебник и двајца необични научници, тој наидува на фантастични суштества и неверојатни места по патот.
Возрасна категорија: за сите возрасти
Влезница: 150 денари
24 ЈУЛИ (ЧЕТВРТОК) 20:00 ч.
31 ЈУЛИ (ЧЕТВРТОК) 20:00 ч.
МАРИЈА
(Maria)
Игран филм, САД, Велика Британија / Италија
2024, 124 мин., колор, ДЦП
Режија: Пабло Лараин (Pablo Larrain)
Сценарио: Стивен Најт (Steven Knight)
Улоги: Анџелина Џоли, Пјерфранческо Фавино (Angelina Jolie, Pierfrancesco Favino)
МАРИЈА е биографски филм кој го прикажува животот на легендарната оперска дива Марија Калас, толкувана од Анџелина Џоли. Режиран од Пабло Лараин, филмот се фокусира на последните денови на Калас во Париз во 1970-тите години, прикажувајќи ги нејзините лични и професионални предизвици, вклучувајќи ја и бурната врска со милијардерот Аристотел Оназис. Џоли, која ја опишува оваа улога како најтешка во нејзината кариера, поминала месеци во подготовка, учејќи оперско пеење за да ја долови суштината на Калас. Филмот доби номинација за Оскар за најдобра кинематографија и беше прикажан на светските филмски фестивали, вклучувајќи го и филмскиот фестивал во Венеција.
Филмот нуди интимна и емотивна панорама на животот на Калас, истакнувајќи ги нејзините триумфи и трагедии. Лараин, познат по својот уникатен стил на раскажување, успева да ја пренесе сложеноста на Калас како личност и како уметничка. Музиката, костимите и сценографијата се совршено синхронизирани, создавајќи атмосфера што го одразува гламурозниот, но и бурен свет на оперската дива. МАРИЈА не е само филм за музиката и љубовта, туку и за жртвата и осаменоста што често ги придружуваат големите таленти.
Возрасна категорија: 16 години
Влезница: 150 денари
26 ЈУЛИ (САБОТА) 20:00 ч.
СКОПЈЕ 63
(Skopje 63)
Документарен филм, Хрватска, Македонија
1964, 77 мин, ДЦП
Режија: Вељко Булајиќ (Veljko Buljaic)
Сценарио: Јован Бошковски, Матеја Матевски, Ѓорѓи Старделов (Jovan Boskovski, Mateja Matevski, Gjorgji Stardelov)
Сниматели: Драган Салковски, Љубе Петковски (Dragan Salkovski, Ljube Petkovski)
На 26 јули 1963, во 5 часот и 17 минути, Скопје го погоди катастрофален земјотрес со јачина од 6.1 степен по рихтеровата скала. Само три дена подоцна, режисерот Вељко Булајиќ со својата екипа пристигнува во разурнатиот град. Следните неколку месеци се снима материјал, сведоштво за потресната судбина на градот. Булајиќ, по завршувањето на првата етапа од реализацијата, цели 12 месеци го монтира и синхронизира снимениот материјал. Монументалниот документарен проект е прикажан на фестивалот во Кан во 1964, а на венецијанското филмско биенале ја добива наградата за најдобар долгометражен документарен филм. Од неколкуте филмски прикази на скопскиот земјотрес, се чини дека филмот на Булајиќ најдобро се носи со тестот на времето. Делото не е само документ на настанот, туку е и креативен, оригинален па и универзален приказ. Осврт кон едно време, еден одлучувачки настан и многу човечки судбини. Најбитниот слој на филмот е изборот на авторот филмот да не се фокусира исклучиво на земјотресот, туку и на реакцијата на луѓето, заедницата и односот на системот кон оние кои ги загубиле своите најблиски и своите домови.
СКОПЈЕ 63 е сведоштво за моќта на филмот како медиум, сведоштво за битната авторска визија. Филмот е во продукција на тогашниот Вардар Филм и Јадран Филм, а при реализацијата Булајиќ соработувал со нашите познати автори и филмски дејци – Јован Бошковски, Матеја Матевски, Ѓорѓи Старделов, Љубе Петковски, Драган Салковски. За потребите на филмот е снимен и еден од првите концерти на Есма Реџепова и нејзината изведба на Chaje Shukarije.
Во 2020 година хрватските филмски критичари го прогласија токму ова остварување за еден од најдобрите хрватски документарни филмови на сите времиња.
Награди:
• Skopje, Leb i sol – Музичко видео, 1988
• Grand Prix – Југословенски Видео фестивал, Белград
Влезница: 150 ден.
28 ЈУЛИ (ПОНЕДЕЛНИК) 20:00 ч.
БУЛЕВАР НА САМРАКОТ
(Sunset Boulevard)
Игран филм, САД
1950, 110 мин., црно-бел, ДЦП
Режија: Били Вајлдер (Billy Wilder)
Сценарио: Били Вајлдер, Чарлс Бракет (Billy Wilder, Charles Brackett)
Улоги: Глорија Свонсон, Вилијам Холден, Ерих фон Штрохајм, Ненси Олсон (Gloria Swanson, William Holden, Erich von Stroheim, Nancy Olson)
Режисерот Били Вајлдер го создава овој класичен филм-ноар кој се врти околу Џо Гилис (Вилијам Холден), неуспешен сценарист кој случајно наоѓа засолниште во запоставената вила на Норма Дезмонд (Глорија Свонсон), некогашна ѕвезда на немиот филм. Норма живее во илузија за својата мината слава, планирајќи големо враќање на филмската сцена. Таа го ангажира Џо да ѝ помогне да го напише сценариото за нејзиниот „камбек“, но нивниот однос станува сложен и токсичен, воден од нејзината опсесија и неговата желба за финансиска стабилност. Приказната кулминира со трагичен крај, кој ја истакнува темната страна на Холивудската индустрија.
„Sunset Boulevard“ е мрачен и провокативен коментар за Холивудот и неговата суровост кон оние кои се заборавени од светлата на рефлекторите. Били Вајлдер маестрално ги истражува темите на стареење, илузија и алчност, додека создава едно од најпознатите дела во историјата на американскиот филм.
Глорија Свонсон блеска како Норма Дезмонд, носејќи длабочина и патетика во ликот на жена која не може да ја прифати реалноста на својот заборав. Нејзината култна реплика: „I am big. It’s the pictures that got small,“ стана симбол на изгубената слава и ароганцијата. Вилијам Холден, пак, одлично го портретира Џо Гилис, чија морална дилема ја отсликува борбата на младите уметници во индустријата.
Возрасна категорија: 16 години
Влезница: 150 денари
29 ЈУЛИ (ВТОРНИК) 20:00 ч.
ЛАУРА
(Laura)
Игран филм, САД
1944, 88 мин., црно-бел, ДЦП
Режија: Ото Премингер (Otto Preminger)
Сценарио: Џеј Дратлер (Jay Dratler)
Улоги: Дејна Ендруз, Џин Тирни, Клифтон Веб (Dana Andrews, Gene Tierney, Clifton Webb)
ЛАУРА е американски филм–ноар, објавен во 1944 година, кој се смета за класика на жанрот. Огрубениот полицаец-детектив Марк Мекферсон (го толкува Дејна Ендруз) ја истражува мистериозната смрт на млада жена, која била застрелана во лицето. Жртвата се смета дека е прекрасната директорка за рекламирање Лаура Хант (Џин Тирни). Мекферсон ги проучува сите аспекти од животот на Лаура, вклучувајќи ги и двајцата мажи кои ја познавале најдобро: нејзиниот ментор – постариот, арогантен новинар и колумнист Валдо Лајдекер (Клифтон Веб) – и нејзиниот софистициран свршеник, Шелби Карпентер (Винсент Прајс). Преку нивните раскажувања во форма на ретроспективи, преку писмата на Лаура и најмногу од сè, преку нејзиниот мистичен портрет, Мекферсон станува романтично опседнат со младата жена.
Филмот, режиран од Ото Премингер, е значаен како напната мистерија, но и како впечатлива приказна за опсесијата. Дополнително, кинематограферот Џозеф Ла Шел освои Оскар за својата работа. ЛАУРА е филм што го истражува темниот аспект на човечката психа, каде ликовите се вплеткани во сложена мрежа на љубов, лаги и манипулација. Музичката тема на Дејвид Раксин, која стана еден од најпрепознатливите мотиви во филмската историја, дополнително ја збогатува атмосферата на филмот, создавајќи чувство на меланхолија и неизвесност.
ЛАУРА останува еден од најдобрите филмови ноар, комбинирајќи мистерија, романса и психолошка длабочина. Неговата атмосфера, впечатливите ликови и незаборавната музичка тема го прават безвременско ремек-дело на класичниот Холивуд. Филмот ја истражува темата на опсесијата и идеализацијата и носи моќна порака за природата на вистината и илузиите. Преку својата визуелна елеганција и сложен наратив.
Филмот продолжува да ги фасцинира гледачите и останува релевантен дури и осум децении по неговото создавање.
Возрасна категорија: 16 години
Влезница: 150 денари
