На 21ви Јануари (вторник) со почеток од 19 часот, во Кинотека на Македонија, ве покануваме на промоција на книгата „Гледна точка“ на авторот Јани Бојаџи, македонски режисер, продуцент и сценарист.
Уметници и љубители на уметноста и филмот!
Дојдете да се дружиме заедно на овој настан кој пред се ќе биде од забавен и интерактивен карактер со можност за прашања и одговори од публиката кон авторот.
,,Дали навистина сум таков во текот на работа на сет или пак можеби не сосема? Со нетрпение чекам да видам дали е така како што сум пишувал?’’ ,вели Бојаџи во најавата за промоцијата на книгата.
Водител на настанот ќе биде Александар Русјаков, а искуства ќе споделат и неколку актери, директори на фотографија и монтажери, соработници на Бојаџи.
Авторот најавува и специјално изненадување за сите кои ќе дојдат на промоцијата и ќе бидат дел од забавата. Ќе биде покажан трејлер од долгочекуваниот нов проект „Утре наутро“!
По промоција на книгата, во 20 часот ве покануваме на коктел забава во Кинотека.