Патеписна репортажа за Кристијанија, автономна зона во Копенхаген, Данска. На местото на некогашната воена база, во почетокот на седумдесетите години, создадена е населба во која владеат сопствени правила на живеење и однесување. Во Кристијанија е забрането: насилството, користење на тешки дроги, носење оружје, крадење, користење пиротехника и возење автомобили. Улиците се со несекојдневни имиња, како: „Сина карамела“, „Зелена улица“, „Улица на дилерите“, „Долга улица“ и сл. Жителите користат точак со корпа, како превозно средство. Новинарот Борјан Јовановски нè води низ Кристијанија, преку разговори со нејзините жители. Домаќин на ова патување е Џокер, како и Хулде Мејда, од упрвата на Кристијанија, Оле Висинг, Магензи Рисенга и др. Кристијанија е главна туристичка атракција во Копенхаген. Таму по улиците се продаваат хашиш и канабис, секоја индивидуа е одговорна за благосостојбата на заедницата. Се живее како во седумдесетите години за време на хипи движењето.
Напишано од Лидија Кировска
Други соработници: Асистент на продукција: Барбара Петруловска Кординатор на продукција: Ана Пејова Кординатор на пост-продукција: Искра Ежова Финансиски координатор: Јулијана Даскалов Преведувач: Силвана Јовановска
Користени архивски снимки од Македонска Радио Телевизија Подржано од Агенција за филм на Р.С.Македонија Серијалот е посветен на Горјан Тозија
