Краткиот документарен филм, без звучна подлога и без дополнителна документација, ни нуди редок, автентичен увид во атмосферата на првиот меѓународен фестивал на аматерски филм, одржан во Скопје во 1968 година.
Во една од клучните сцени го гледаме режисерот Димитрие Османли, седнат на маса со своите соработници, на веранда од ресторан, во опуштена и колегијална атмосфера. Камерата потоа го води гледачот до свечениот дел, доделувањето на наградите на сцена, каде што се чувствува достоинството и значењето на овој културен настан.
Иако филмот е без звук, преку кадрите се доловува ентузијазмот и почетничкиот дух на аматерските филмски креации од тоа време, како и важноста на меѓусебната поддршка и афирмација на младите филмаџии.
Напишано од м-р Арсим Љесковица
Филмска документација од фондот на Виктор Аќимовиќ
