Скопје

Почетните кадри прикажуваат некои значајни институции во Скопје, кои нараторот, на српски јазики, ги коментира и нагласува. Потоа се прикажуваат преселби на граѓаните на Скопје во околните југословенски републики и во другите градови низ Македонија, по разорниот земјотрес на 26 јули 1963 година.
Прикажани се снимки од расчистување на урнатини, трагање по луѓе под урнатините, како и извлекување на човечки тела (неколку кадри прикажуваат извлекување на мртви тела на мажи, жени и деца, а во неколку кадри се прикажуваат извлекување на живи луѓе).
Потоа гледаме кадри кои прикажуваат пружење на помош, медицинска и техничка опрема за настраданите од земјотресот, подигање на привремени шатори.
Нараторот во оф-тон ја нагласува големата помош која пристигнува од целиот свет, за обнова на Скопје. На крај на филмот е забележана посетата Јосип Броз Тито на Скопје, при што ја искажува својата голема жал за загубените животи и ветува целосна изградба на градот Скопје.

Напишано од: м-р Арсим Љесковица