ПРИЛОГ 1 – МАКЕДОНИЈА – СЕИДБА НА ОРИЗ /
Процес на традиционален начин на сеење ориз во Кочанско. Во прилогот најнапред е прикажана подготовка за сеење на оризот. Есенска и пролетна обработка на земјата се врши со рало прикачено на добиток. По орање на влажните полиња и пуштање на вода по нивите, следува рамнење на секој непотопен дел и мокрење на семето. Потоа, оризопроизводителите вршат рачно сеење на оризот, директно во водата. Во општ план со швенк на лево, прикажани се засеаните површини на кои оризот се одгледува како монокултура. Следува информација за поставување на вештачко наводнување, за подобрување на приносот и квалитетот на оризот, во текот на петогодишниот план.
Напишано од м-р Сунчица Веселиновска
