Епизода 7 – Во оваа епизода се истражува како културата – уметноста, медиумите, традицијата и јавниот симболички простор – беше користена како средство за градење на политичка идеологија и култ на лидерство за време на владеењето на Никола Груевски. Епизодата анализира како преку масовни проекти, јавни кампањи, национални митови и контролирани медиуми се создаваше наратив за „нов патриотизам“, кој служеше да ја легитимира власта, да ги насочи јавните емоции и да обликува национален идентитет по мерка на политичкиот врв. Се прикажуваат примери од културни институции, фестивали, учебници и медиумски пропаганди, како и последиците врз културниот плурализам, критичката мисла и демократските процеси. Говорници: Артан Садику, Славчо Димитров, Никола Гелевски и Владимир Милчин.
Напишано од Миранда Алла Речи
Наратор: Сања Арсовска Архивски материјали: НУБ „Св. Климент Охридски“
