Портокалова Македонија – „Победникот зема сѐ“

Епизода 2 – Втората епизода го опишува периодот по изборната победа на ВМРО–ДПМНЕ во 2006 година и почетокот на трансформацијата на политичкиот систем кон модел во кој власта постепено ја презема контролата врз сите клучни институции. Ордановски ја анализира логиката на „победникот зема сѐ“ – политичка филозофија во која изборниот триумф се користи како оправдување за целосна доминација врз државата, медиумите и јавниот простор. Се објаснува како економските ресурси – јавни набавки, државни субвенции, инвестиции – се користат како механизам за одржување на политичката лојалност. Се создава мрежа на зависности меѓу бизнис секторот, партијата и институциите.Со контролата врз јавниот сервис и блиските медиуми, започнува создавање на нов медиумски наратив во кој власта е претставена како единствениот двигател на напредокот, а критичарите – како противници на државата. Говорници во втората епизода се: Љубчо Георгиевски, Љубе Бошковски, Сем Вакнин. Тито Петковски и др.

Напишано од Миранда Алла Речи