MOMENTO VITA – Сеќавање на животот – Илхами Емин

Документарна емисија за турскиот поет и преведувач Илхами Емин (Радовиш, 1931 – Скопје, 2020). Тој зборува за своето детство во родниот Радовиш. Татко му бил дервиш, од него добил многу совети за животот, што ги применува и ден денес. Завршил Педагошка академија во Скопје. Првата стихозбирка ја објавил 1955 година, со наслов „Животот пее и плаче“. Потоа следуваат стихозбирките : „Деноноќие“, „Трагање“, „Јурукче“, „Ѓулдин“ и др. Работел во редакциите на „Детска Радост“, „Нова Македонија“, „Илирик“, „Заман“ и др. Ги има преведено песните на турските поети: Ахмед Јесени, Јунус Емре и Џелалудин Руми Мевљана.