The Walk (Патување пеш)

Амал е девет годишно девојче од Алепо, кое за време на војната во Сирија, 2021 година, останува без семејство. Таа е по потрага по нов дом и семејство. Се обидува да ги најде своите роднини во Европа.
За да не се заборави на децата бегалци, се организира фестивал на хуманост. Патувањето на три ипол метарска кукла Амал, почнува од турско-сириската граница, од местото Газиантеп, продолжува низ Турција, Грција, Италија, Франција, па се до Англија. Пат долг 8.000 км. На патот во некои земји наидува на прифаќање од населението, а некаде на осуда и протести. Во филмот е следен патот на куклата и на девојчето, двете со исто име Амал, што на арапски значи надеж.
Амал си наоѓа ново семејство. Роднината од Турција ја прифаќа како ќерка, таа почнува нов живот и добива пет сестри во новото семејство. Куклата Амал, се уште патува.
Филмот е посветен на повеќе од 34 милиони бегалци во светот. Од нив, повеќе од 14 милиони се деца без придружба од возрасни, сите со надеж за подобро утре.

Наппишано од Лидија Кировска