Филмот АНТИГОНА (жената зад воланот), на режисерот Ибер Деари, ја раскажува инспиративната приказна за првата жена шофер, од кумановското село Липково. Централната фигура е Антигона, која уште од 2001 година управува со комбе, започнувајќи ја својата професија заедно со нејзиниот татко.
По неговото разболување, таа целосно го презема семејниот бизнис, пркосејќи на длабоко вкоренетите родови стереотипи во руралната заедница. Филмот комбинира визуелни записи од живописниот предел низ кој Антигона вози, со сведоштва од нејзиниот татко, братот и соселаните, кои со почит зборуваат за нејзината решителност и истрајност.
Преку искрените коментари и локалниот контекст, филмот ја нагласува храброста на една жена која успева да се наметне во професија што традиционално им припаѓала на мажите.
Напишано од Арсим Љесковица
