Документарна емисија за протерувањето на македонското население од С.Горица, Мала Преспа. Во 1933 година, под закана на власта од Кралството Албанија, Македонците биле избркани од нивните домови. Дел од нив никогаш не се вратиле во своите родни огништа. Нивните потомци, по повеќе од 70 години, се враќаат во селото, да ги посетат гробовите на своите предци. Постарите жители на с. Горица се сеќаваат како македонското население е иселено и населено албанско население. Во селото е организиран дочек од страна на: Едмон Темелко, Насте Спасовски, Иван Трпо, Нико Миле, Крисанта Јанкула и други жители на селото. Прикажани се емотивни средби на роднини што никогаш не се виделе. Меќу потомците на „старите Горичани“ се: Димо Мишев, Димо Наумов, Стево Наумовски, Грозда Трајковска и др. Тие го разгледуваат селото кое е сместено на падините на Галичица, на крајбрежјето на Преспанско Езеро.
Текстот го читаше — Ангел Данов
