Епизода 8 – Оваа епизода се фокусира на граѓанските протести и активизмот во периодот 2015–2016, кои кулминираа со „Шарената револуција“. Анализа на улогата на граѓанските движења како противтежа на авторитарните тенденции на власта. Епизодата покажува како креативноста, визуелната симболика и иновативните форми на отпор (бои, уметнички акции, јавни перформанси) се користеа за да се привлече внимание, да се мобилизира јавноста и да се создаде колективно чувство на солидарност. Епизодата ја покажува моќта на граѓанскиот активизам и културната креативност како инструмент за демократија. Дури и кога институциите се заробени, граѓаните преку симболика, боја и колективна иницијатива можат да ја предизвикаат доминантната власт и да ја обноват јавната свест. Говорници во осмата епизода се: Ирина Стеријовска, Замир Мехмети, Петрит Сарачини, Марјан Забрчанец, Перо Арсовски, Билјана Јордановска, Дехран Муратов и др.
Напишано од Миранда Алла Речи
Наратор: Сања Арсовска Архивски материјали: НУБ „Св. Климент Охридски“
