Документарна емисија за шахот во Македонија, во периодот од 1946 до 1976 година. Во овој временски период, организирани се голем број турнири, како и олимпијада. Најчесто во Скопје и во Охрид. Во посета на Македонија биле светски познати шаховски имиња, кои предизвикувале големо медиумско внимание. Меѓу другите биле и Фишер, Карпов, Смислов, Сакс и др. Првиот шаховски клуб „ Вардар“ е основан 1928, а во 1949 година, Македонија ја добива првата шаховска асоцијација. Председател е истакнатиот поет и вљубеник во шахот, Блаже Конески. Истакнати македонски шахисти од овој период се: Павле Бидев, Љубомир Гајдов, Борче Илиевски, Ристо Ничевски, Ванчо Георгиевски и др. За нив зборуваат: Љубомир Танчев и Благоја Сотировски – Џагуре.
