Крстевски Младен

(Кратово, 25.08.1953 – ) Театарски, филмски и телевизиски актер и режисер.
Факултет за драмски уметности завршува во Скопје во 1977 година. Како актер работи во театарот во Штип и во Драмскиот театар во Скопје, а од 1982 година е член на ансамблот на театарот во Велес. Се занимава и со сценаристичка дејност. Наградуван е на Театарските игри „Војдан Чернодрински“ во Прилеп во 1979 и 1990 година. Градот Велес му ја додели својата „Ноемвриска награда“. Снимил неколку филмови во сопствена продукција.