1 АПРИЛ (ВТОРНИК) 18:00 ч.
СВЕТА КРАВА
(Vingt dieux / Holy Cow)
Игран филм, Франција
2024, 92 мин., колор, ДЦП
Режија: Луиз Курвоазие (Louise Courvoisier)
Сценарио: Луиз Курвоазие, Тео Абади (Louise Courvoisier, Théo Abadie)
Улоги: Клемент Фаво, Мајвен Бартелеми (Clément Faveau, Maïwene Barthelemy)
Безгрижниот тинејџерски живот на Тотоне во пиење и танцување добива пресврт кога тој мора да се грижи за својата 7-годишна сестра. Барајќи приход, тој ја насочува својата енергија во производство на наградуваното сирење „Комте“ за да добие награда на натпреварување.
Возрасна категорија: 16 години
Влезница: 150 денари
1 АПРИЛ (ВТОРНИК) 20:00 ч.
2 АПРИЛ (СРЕДА) 20:00 ч.
9 АПРИЛ (СРЕДА) 20:00 ч.
23 АПРИЛ (СРЕДА) 20:00 ч.
МАРИЈА
(Maria)
Игран филм, САД, Велика Британија / Италија
2024, 124 мин., колор, ДЦП
Режија: Пабло Лараин (Pablo Larrain)
Сценарио: Стивен Најт (Steven Knight)
Улоги: Анџелина Џоли, Пјерфранческо Фавино (Angelina Jolie, Pierfrancesco Favino)
МАРИЈА е биографски филм кој го прикажува животот на легендарната оперска дива Марија Калас, толкувана од Анџелина Џоли. Режиран од Пабло Лараин, филмот се фокусира на последните денови на Калас во Париз во 1970-тите години, прикажувајќи ги нејзините лични и професионални предизвици, вклучувајќи ја и бурната врска со милијардерот Аристотел Онасис. Џоли, која ја опишува оваа улога како најтешка во нејзината кариера, поминала месеци во подготовка, учејќи оперско пеење за да ја долови суштината на Калас. Филмот доби номинација за Оскар за најдобра кинематографија и беше прикажан на светските филмски фестивали, вклучувајќи го и филмскиот фестивал во Венеција.
Филмот нуди интимна и емотивна панорама на животот на Калас, истакнувајќи ги нејзините триумфи и трагедии. Лараин, познат по својот уникатен стил на раскажување, успева да ја пренесе сложеноста на Калас како личност и како уметничка. Музиката, костимите и сценографијата се совршено синхронизирани, создавајќи атмосфера што го одразува гламурозниот, но и бурен свет на оперската дива. МАРИЈА не е само филм за музиката и љубовта, туку и за жртвата и осаменоста што често ги придружуваат големите таленти.
Возрасна категорија: 16 години
Влезница: 150 денари
4 АПРИЛ (ПЕТОК) 18:00 ч.
11 АПРИЛ (ПЕТОК) 18:00 ч.
ХАОТИЧНИТЕ СЕСТРИ И ПИНГВИНОТ ПОЛ
(The Chaos Sisters Feat. Penguin Paul / Die Chaosschwestern und Pinguin Paul)
Игран филм, Германија / Белгија
2024, 100 мин., колор, ДЦП
Режија: Мајк Марцук (Mike Marzuk)
Сценарио: Корбиниан Вандингер (Korbinian Wandinger)
Улоги: Лилит Зергер, Макс Гирман, Феликс Кларе, Денис Мошито, Јанине Кунце, Момо Бајер, Кара Фондеј, Рона Реџепи, Михаел Лот, Џовани Франческо (Lilit Serger, Max Giermann, Felix Klare, Denis Moschitto, Janine Kunze, Momo Beier, Cara Vondey, Rona Regjepi, Michael Lott, Giovanni Francesco)
Што се случува кога хаосот ќе се пресели во вашиот дом? Во семејството Мартини, четирите сосема различни сестри – Ливи, Теса, Малеа и Кени – ќе се соочат со авантура што ќе ги натера да ги здружат силите кога ќе го најдат пингвинот Пол кој мистериозно избегал од киднапери. Во обид да го спасат пингвинот Пол од двојката злобни магионичари, Мери и Марк, сестрите ќе мора да соработуваат како никогаш досега! Ќе успеат ли хаотичните сестри да го спасат пингвинот пред да биде предоцна?
Филмот “ е адаптација на популарната книга „Die Chaosschwestern“ на Дагмар Х. Милер и ги носи познатите ликови на големото платно со неверојатна доза забава и емотивни моменти. Со маестрална режија на Мајк Марцук и исклучителна актерска екипа, ова е семејна авантура која ќе ги освои срцата на сите возрасти.
Возрасна категорија: 12 години
Влезница: 150 денари
4 АПРИЛ (ПЕТОК) 20:00 ч.
СЕКС
(Sex)
Игран филм, Норвешка
2025, 125 мин., колор, ДЦП
Режија: Даг Јохан Хогеруд (Dag Johan Haugerud)
Сценарио: Даг Јохан Хогеруд (Dag Johan Haugerud)
Улоги: Јан Гунар Роизе, Торбјорн Харм Сири Форбергм Биргит Ларсен, Тео Дал (Jan Gunnar Roise, Torbjorn Har, Siri Forberg, Birgitte Larsen, Theo Dahl)
Двајца мажи, и двајцата во хетеросексуални бракови, имаат неочекувано искуство што ги предизвикува да го преиспитаат нивното разбирање за сексуалноста, полот и идентитетот. Еден од нив има сексуална средба со друг маж без да го смета за израз на хомосексуалност или неверство и разговара со неговата сопруга. Друг сонува ноќе во кои се гледа себеси како жена, што му предизвикува збунетост и го наведува да се запраша колку ставовите на другите ја обликуваат неговата личност.
Возрасна категорија: 16 години
Влезница: 150 денари
5 АПРИЛ (САБОТА) 18:00 ч.
12 АПРИЛ (САБОТА) 18:00 ч.
26 АПРИЛ (САБОТА) 18:00 ч.
ПОПЛАВА
(Straume / Flow)
Анимиран филм, Летонија / Белгија / Франција
2024, 85 мин., колор, ДЦП
Режија: Гинтс Зилбалодис (Gints Zilbalodis)
Сценарио: Гинтс Зилбалодис, Матис Кажа (Gints Zilbalodis, Matīss Kaža)
Се чини дека на светот му се ближи крајот, преполн со остатоци од човечкото присуство. Мачката е осамено животно, но бидејќи нејзиниот дом е уништен од голема поплава, наоѓа засолниште на брод населен со различни видови и ќе мора да се здружи со нив и покрај нивните разлики. Во осамениот брод кој плови низ мистични преплавени пејзажи, тие се движат низ предизвиците и опасностите од прилагодувањето на овој нов свет.
Поплава со две номинации за оскар (за најдобар странски филм и најдобра анимација) не само што е првиот латвијски филм кој е кандидиран за оскар, туку и еден од најдобрите анимирани филмови оваа година. Оваа анимација во режија на Гинтс Зилбалодис е целосно рендерирана на бесплатниот (open source) софтвер Blender и не содржи никаков дијалог.
Возрасна категорија: 16 години
Влезница: 150 денари
5 АПРИЛ (САБОТА) 20:00 ч.
ЉУБОВ
(Kjærlighet / Love)
Игран филм, Норвешка
2024, 119 мин., колор, ДЦП
Режија: Даг Јохан Хогеруд (Dag Johan Haugerud)
Сценарио: Даг Јохан Хогеруд (Dag Johan Haugerud)
Улоги: Андреа Бреин Ховиг, Тајо Ситадела Јакобсен, Марте Енгебгригцен (Andrea Bræin Hovig, Tayo Cittadella Jacobsen, Marte Engebrigtsen)
Маријан, прагматичен лекар и Тор, сочувствителен медицински техничар, обајцата избегнуваат конвенционални односи. Една вечер, по состанок на слепо, Маријана го запознава Тор на траектот. Тор, кој често ги поминува ноќите таму барајќи случајни средби со мажи, ги споделува своите искуства за спонтана интимност. Заинтригирана од неговата перспектива, Маријан почнува да истражува дали и едноставната интимност може да биде опција за неа. Љубовта е дел од трилогијата Секс-Љубов-Соништа на Режијаот Даг Јохан Хаугеруд.
Возрасна категорија: 16 години
Влезница: 150 денари
8 АПРИЛ (ВТОРНИК) 20:00 ч.
ЕМИЛИЈА ПЕРЕЗ
(Emilia Pérez)
Игран филм, Франција,
2024, 132 мин., колор, ДЦП
Режија: Жак Одиар (Jacques Audiard)
Сценарио: Жак Одиар (Jacques Audiard)
Улоги: Зое Салдања, Карла Софиа Гаскон, Селена Гомез (Zoe Saldaña, Karla Sofía Gascón, Selena Gomez)
Преквалификувана и потценета, Рита е адвокатка во голема фирма чиј интерес е да ги држи најголемите криминалци на улица наместо да ги изведе пред лицето на правдата. Еден ден таа добива неверојатна понуда. Водачот на картелот Манитас ја најмува да му помогне да се повлече од работата и го реализира планот што тајно го подготвувал со години – да стане жената за која отсекогаш сонувал.
Емилија Перез, последнотo остварување на еден од најголемите француски современи Режијаи, Жак Аудиар е необична и несекојдневна мешавина на криминалистички филм и музичка комедија. Филмот се базира на истоименото оперско либрето на Аудиар, кое, пак беше лабаво адаптирано од романот на Борис Разон од 2018 година Écoute. Во филмот играат Зое Салдања, Карла Софија Гаскон, Селена Гомез, Адријана Паз, Марк Иванир и Едгар Рамирез.
Возрасна категорија: 16 години
Влезница: 150 денари
10 АПРИЛ (ЧЕТВРТОК) 20:00 ч.
СУПСТАНЦИЈА
(The Substance)
Игран филм, Велика Британија / САД / Франција
2024, 140 мин., колор, ДЦП
Режија: Корали Фарже (Coralie Fargeat)
Сценарио: Корали Фарже (Coralie Fargeat)
Улоги: Деми Мур, Маргарет Квуели, Денис Квејд, Хуго Диего Гарсиа (Demi Moore, Margaret Qualley, Dennis Quaid, Hugo Diego Garcia)
Сте сонувале ли некогаш за подобра верзија на себе? Треба да го пробате овој нов производ: Супстанција. Ми го промени животот. Со Супстанција можете да создадете друга верзија на себе: помлада, поубава, посовршена… Само дајте го своето време. Една недела за едната, друга за другата. Совршена рамнотежа од седум дена. Лесно, нели? Ако ги следите инструкциите, што би можело да тргне наопаку?
Возрасна категорија: 16 години
Влезница: 150 денари
11 АПРИЛ (ПЕТОК) 20:00 ч.
12 АПРИЛ (САБОТА) 20:00 ч.
СЕМЕТО НА СВЕТАТА СМОКВА
(The Seed of the Sacred Fig)
Игран филм, Франција / Иран / Германија
2023, 168 мин., колор, ДЦП
Режија: Mohammad Rasoulof (Mohammad Rasoulof)
Сценарио: Mohammad Rasoulof (Mohammad Rasoulof)
Улоги: Soheila Golestani, Missagh Zareh, Mahsa Rostami, Setareh Aghababaei
Унапредувањето на Иман во истражен судија се совпаѓа со протестите во Техеран по смртта на една млада жена. Додека тој се бори со обемот на работа, неговите ќерки се затечени од настаните, а неговата сопруга се обидува да го издржува семејството. Кога ќе му исчезне пиштолот, тој се сомнева во нив.
Филмот освои две награди на Канскиот фестивал во 2023 година, а беше номиниран и за „Оскар“ во 2024.
Возрасна категорија: 12 години
Влезница: 150 денари
14 АПРИЛ (ПОНЕДЕЛНИК) 20:00 ч.
15 АПРИЛ (ВТОРНИК) 20:00 ч.
ПРИКАЗНА ЗА ТРАМП
(The Apprentice)
Игран филм, САД / Канада / Данска / Ирска
2024, 122 мин., колор, ДЦП
Режија: Али Абаси (Ali Abbasi)
Сценарио: Габриел Шерман (Gabriel Sherman)
Улоги: Џереми Стронг, Мариа Бакалова, Себастиан Стан (Jeremy Strong, Maria Bakalova, Sebastian Stan)
Приказната за тоа како младиот Доналд Трамп ја започнува својата бизнис кариера со недвижности во Њујорк во 70-тите и 80-тите години, со помош на озлогласениот адвокат Рој Кон.
THE APPRENTICE – ПРИКАЗНА ЗА ТРАМП е последниот филм на иранско-американскиот режисер Али Абаси, познат по неговиот трилер кој се случува во Иран, СВЕТ ПАЈАК (2022). Во овој филм милјето е сосема поинакво – американската политичка и бизнис-елита и подемот на Доналд Трамп.
Возрасна категорија: 16 години
Влезница: 150 денари
16 АПРИЛ (СРЕДА) 20:00 ч.
ПАТУВАЊЕ ПЕШ
(The Walk)
Документарен филм, Велика Британија
2024, 122 мин., колор, ДЦП
Режија: Тамара Котевска (Tamara Kotevska)
Сценарио: Ден Крејн (Dan Crane)
Извонреден уметнички обид кој го следи патувањето на Амал, кукла висока над 3 метри. Амал е млада бегалка која патува од сириската граница во Турција, по должината на Европа, обидувајќи се да најде дом. Филмот содржи мешавина од синема-верите и фантастични, делумно напишани сцени кои создаваат бајка за возрасни.
Возрасна категорија: 16 години
Влезница: 150 денари
24 АПРИЛ (ЧЕТВРТОК) 20:00 ч.
OБЈАСНУВАЊЕ ЗА СĖ
(Magyarázat mindenre / Explanation for Everything)
Игран филм, Унгарија / Словачка
2024, 151 мин., колор, ДЦП
Режија: Габор Реиш (Gábor Reisz)
Сценарио: Габор Реиш, Ева Шулце (Gábor Reisz, Éva Schulze)
Улоги: Гашпар Адониј – Валш, Иштван Знаменак, Рушнак Андраш, Ребека Хатазо, Елиза Содро (Gáspár Adonyi-Walsh, István Znamenák, Rusznák András, Rebeka Hatházi, Eliza Sodró)
Лето е во Будимпешта, средношколецот Абел не може да се фокусира на завршните испити поради неговата безнадежна љубов кон неговата најдобра пријателка Јанка. Разумната Јанка страда и од невозвратена љубов кон оженетиот учител по историја Јакоб, кој има конфликти со конзервативниот татко на Абел. Тензиите во поларизираното општество неочекувано излегуваат на површина, а испитот по историја во средното училиште на Абел се претвора во национален скандал.
Возрасна категорија: 16 години
Влезница: 150 денари
25 АПРИЛ (ПЕТОК) 18:00 ч.
ВЕЧЕР НА КОЛЕ МАНЕВ ВО КИНОТЕКА
In memoriam – Коле Манев (1941-2025)
МОСТ
Игран филм, 2006, 93 мин.
Режија: Коле Манев
Сценарио: Коле Манев
Единствен долгометражен игран филм на Коле Манев, реализиран по сопствено сценарио, со финансиска поддршка на Советот за радиодифузија, во 2006 г. Филмот е снимен во живописното Кратово, а филмската приказна следи трогателна љубовна врска од XIX век.
ЕКО-СКОП
Краток игран филм, 2022, 15 мин.
Режија: Коле Манев
Сценарио: Коле Манев
Кусометражен игран филм на Коле Манев, во кој, покрај сценарио и режија, авторот е и директор на фотографија. Ова визуелно супериорно дело е реализирано во време на корона кризата и ја раскажува интересната приказна за уличен собирач на картони чија активност се следи низ четирите годишни времиња.
25 АПРИЛ (ПЕТОК) 20:00 ч.
ВЕЧЕР НА КОЛЕ МАНЕВ ВО КИНОТЕКА
In memoriam – Коле Манев (1941-2025)
ТУЛГЕШ
Документарен филм, 1977, 57 мин.
Режија: Коле Манев
Сценарио: Коле Манев
Коле Манев, во 1977 г., по сопствено сценарио, го реализира своето најпознато филмско дело, едночасовниот документарен филм ТУЛГЕШ, именуван според романскиот прифатен дом за сместување на децата-бегалци од Граѓанската војна во Грција. Во овој филм, кој претставува ремек-дело на македонската документаристика, Коле Манев на визуелно супериорен начин ја раскажува трогателната приказна за одисејата на децата кои се принудени да ги напуштат своите домови во Егејска Македонија и да престојуваат во источноевропските земји, како и уште потрогателните средби со родителите по долги години, кога децата се веќе возрасни луѓе. ТУЛГЕШ, истата 1977 г., на тогаш престижниот Фестивал на југословенскиот документарен и краткометражен филм во Белград, е награден со главната награда, „Гран при – голем златен медал за режија“.
Возрасна категорија: 12 години
Влезница: 150 денари
28 АПРИЛ (ПОНЕДЕЛНИК) 18:00 ч.
САМОУНИШТУВАЊЕ
(Suicide Guide)
Игран филм, Македонија / Турција
1996, 97 мин., колор, 35 мм
Режија: Ербил Алтанај (Erbil Altanay)
Сценарио: Сашко Насев (Sashko Nasev)
Улоги: Јовица Михајловски, Катерина Коцевска, Оливер Митковски, Јелена Мијатовиќ Галевскa, Силвана Ерац, Бајруш Мјаку, Благоја Чоревски (Jovica Mihajlovski, Katerina Kocevska, Oliver Mitkovski, Jelena Mijatovikj Galevska, Silvana Erac, Bajrush Mjaku, Blagoja Chorevski)
САМОУНИШТУВАЊЕ е урбана трагикомедија чија тема е распаѓањето на семејството, кризата на поединецот врзана со духот на времето во кое се случува дејството, семејна морална драма која може да се смести во кое било време и место. Куплунг (Јован) е таксист, човек без морални предрасуди, силеџија и љубовџија, човек што ги почитува само своите страсти. Сценариото суптилно назначува дека порано бил егзекутивец во валканите операции на комунистичката тајна служба, што само ја зголемува неговата фрустрација заради неостварениот, а посакуван општествен статус. Тој кон сопругата Стојна, работничка во фабрика, се однесува како кон сопственост, па таа ропски послушна ги исполнува неговите барања и го поднесува неговото грубо и простачко однесување. И Цоле, неговиот син студент, е малтретиран од него. Единствена слабост Куплунг покажува кон неговата љубовница Шила, кафеанска пејачка, која сепак се мажи за полицискиот инспектор Славчо (Цацко), брат на Стојна. Само тогаш Куплунг е исфрлен од шемата по која живее и веднаш бара нов сексуален објект. И Вилма, наивната девојка на Цоле, е можеби најтрагичната жртва на Куплунг: Куплунг ја силува, а таа потоа станува негова љубовница. Од оваа тајна врска Вилма забременува. При една брутална сцена на насилство на Куплунг врз Стојна, Цоле го напаѓа таткото и го удира по главата со пиштол. Куплунг потоа останува инвалид врзан за количка. Цоле се жени за Вилма, таа раѓа син, а Стојна и понатаму ропски ја поднесува судбината обременета со нови тешкотии.
Возрасна категорија: 12 години
Влезница: 150 денари
28 АПРИЛ (ПОНЕДЕЛНИК) 20:00 ч.
ТЕТОВИРАЊЕ
(Тatoo)
Игран филм, Македонија
1991, 132 мин, ДЦП
Режија: Столе Попов (Stole Popov)
Сценарио: Mирко Коваќ, Живојин Павловиќ, Столе Попов ( Mirko Kovać, Živojin Pavlović, Stole Popov)
Улоги: Мето Јовановски, Лиљана Меџеши, Стојан Аранџеловиќ (Meto Jovanovski, Liljana Medješi, Stojan Aranđelović)
Приказната на овој антологиски домашен филм е за Илија, повлечен, но симпатичен лик која се наоѓа во затвор од апсурдни причини, а потоа умира како жртва на полициска бруталност. По караница со сопругата го напушта домот и заминува со еден празен куфер nа железничката станица кадешто им станува сомнителен на двајца полицајци кои, само од ним познати причини, го апсат. Уште во истражниот затвор, истиот ден, тој и неколкумина други уапсени се третирани како криминалци. Подложени се на неверојатна вербална и физичка тортура. Истражната постапка се одолговлекува, а Илија се соочува со и ги преживува сите аспекти на затворското „живеење“ во кое покрај тортурата од страна на затворските чувари, изложен е и на немилоста на другите затвореници – закоравени криминалци. По една тепачка, кога во самоодбрана убива друг затвореник, Илија е осуден на подолга затворска казна. Поддржан од сопругата тој е решен да истрае и издржи, дури и да бара ревидирање на судскиот процес, но, со својот нескротлив темперамент се вовлекува во уште еден инцидент.
Култниот игран филм ТЕТОВИРАЊЕ е еден од најгледаните, најцитирани и највлијателни долгометражни играни филмови во поновата македонска историја.
Возрасна категорија: 16 години
Влезница: 150 денари
30 АПРИЛ (СРЕДА) 18:00 ч.
ДИВИОТ ДИЈАМАНТ
(Diamant brut / Wild Diamond)
Игран филм, Франција
2024, 103 мин., колор, ДЦП
Режија: Агата Рајдингер (Agathe Riedinger)
Сценарио: Агата Рајдингер (Agathe Riedinger)
Улоги: Алексис Маненти, Антониа Буреси, Идир Азугли, Андреа Бесконд, Малу Кебизи (Alexis Manenti, Antonia Buresi, Idir Azougli, Andréa Bescond, Malou Khebizi)
Деветнаесетгодишната Лиана живее со својата сестра и мајка во Фрежис, мало гратче на југот на Франција. Опседната со убавина и слава, таа се пријавува за реално шоу познато како „Островот на чудата“.
Возрасна категорија: 16 години
Влезница: 150 денари
30 АПРИЛ (СРЕДА) 20:00 ч.
ЛАУРА
(Laura)
Игран филм, САД
1944, 88 мин., црно-бел, ДЦП
Режија: Ото Премингер (Otto Preminger)
Сценарио: Џеј Дратлер (Jay Dratler)
Улоги: Дејна Ендруз, Џин Тирни, Клифтон Веб (Dana Andrews, Gene Tierney, Clifton Webb)
ЛАУРА е американски филм ноар, објавен во 1944 година, кој се смета за класика на жанрот. Огрубениот полицаец-детектив Марк Мекферсон (го толкува Дејна Ендруз) ја истражува мистериозната смрт на млада жена, која била застрелана во лицето. Жртвата се смета дека е прекрасната директорка за рекламирање Лаура Хант (Џин Тирни). Мекферсон ги проучува сите аспекти од животот на Лаура, вклучувајќи ги и двајцата мажи кои ја познавале најдобро: нејзиниот ментор – постариот, арогантен новинар и колумнист Валдо Лајдекер (Клифтон Веб) – и нејзиниот софистициран свршеник, Шелби Карпентер (Винсент Прајс). Преку нивните раскажувања во форма на ретроспективи, преку писмата на Лаура и најмногу од сè, преку нејзиниот мистичен портрет, Мекферсон станува романтично опседнат со младата жена.
Филмот, режиран од Ото Премингер, е значаен како напната мистерија, но и како впечатлива приказна за опсесијата. Дополнително, кинематограферот Џозеф Ла Шел освои Оскар за својата работа. ЛАУРА е филм што го истражува темниот аспект на човечката психа, каде ликовите се вплеткани во сложена мрежа на љубов, лаги и манипулација. Музичката тема на Дејвид Раксин, која стана еден од најпрепознатливите мотиви во филмската историја, дополнително ја збогатува атмосферата на филмот, создавајќи чувство на меланхолија и неизвесност.
ЛАУРА останува еден од најдобрите филмови ноар, комбинирајќи мистерија, романса и психолошка длабочина. Неговата атмосфера, впечатливите ликови и незаборавната музичка тема го прават безвременско ремек-дело на класичниот Холивуд. Филмот ја истражува темата на опсесијата и идеализацијата и носи моќна порака за природата на вистината и илузиите. Преку својата визуелна елеганција и сложен наратив. Филмот продолжува да ги фасцинира гледачите и останува релевантен дури и осум децении по неговото создавање.
Возрасна категорија: 16 години
Влезница: 150 денари