Јануарска програма на Кинотека на Македонија – 2025
Кинотека на Македонија ја започнува новата година со богата и разновидна програма за љубителите на филмската уметност. Јануари 2025 година ќе понуди содржини за сите генерации, од најмладите до најстраствените филмофили, преку тематски и ексклузивни проекции.
9 ЈАНУАРИ (ЧЕТВРТОК) 11:00 ч.
13 ЈАНУАРИ (ПОНЕДЕЛНИК) 18:00 ч.
14 ЈАНУАРИ (ВТОРНИК) 18:00 ч.
15 ЈАНУАРИ (СРЕДА) 14:00 ч.
КИНО УТРО
ЈОН ВАРДАР ПРОТИВ ГАЛАКСИЈАТА
(John Vardar Against the Galaxy)
Игран анимиран филм, Македонија,
2024, 85 мин., колор, ДЦП
Режисер: Гоце Цветановски (Goce Cvetanovski)
Сценарио: Гоце Цветановски (Goce Cvetanovski)
Улоги: Атанас Атанасовски, Дамјан Цветановски, Елена Тарчуговска, Емилија Мицевска, Жарко Димоски, Мартин Ѓоргоски, Слаѓана Вујошевиќ, Тони Денковски, Филип Трајковиќ (Atanas Atanasovski, Damjan Cvetanovski, Elena Tarchugovska, Emilija Micevska, Zarko Dimovski, Martin Gjorgoski, Sladjana Vujoshevic, Toni Denkovski, Filip Trajkovic)
Јон е потпросечно интелигентен човек од Земјата. Зарк е нарцисоиден мегаломан – робот кој патува низ вселената и собира примероци за својата интергалактичка Зоолошка градина. Кога двајцата ќе се спојат, ќе настане хаос. Двајцата ќе ги здружат силите за да спречат најопасното оружје во Галаксијата да не падне во погрешни раце. Необичното дуо ќе тргне на вселенско патување исполнето со вонземјани, чудовишта, црни дупки и можен крај на севкупната егзистенција.
Возрасна категорија: 12 години
Влезница: 150 денари
9 ЈАНУАРИ (ЧЕТВРТОК) 14:00 ч.
11 JАНУАРИ (САБОТА) 11:00 ч.
15 ЈАНУАРИ (СРЕДА) 18:00 ч.
16 ЈАНУАРИ (ЧЕТВРТОК) 18:00 ч.
КИНО УТРО
МЕЧЕТО ПАДИНГТОН ВО ЏУНГЛАТА
(Paddington in Peru)
Игран филм, САД,
2024, 106 мин., колор, ДЦП
Режисер: Даглас Вилсон (Dougal Wilson)
Сценарио: Марк Бартон, Џон Фостер, Џејмс Ламонт (Mark Burton, Jon Foster, James Lamont)
Улоги: Хју Бонвил, Џим Броадбент, Емили Мортимер, Имелда Стаунтон, Оливиа Колман, Антонио Бандерас Бен Висшоу, Џули Валтерс, Семјуел Џослин, Мадлен Харис, Карла Тус (Hugh Bonneville, Jim Broadbent, Emily Mortimer, Imelda Staunton, Olivia Colman, Antonio Banderas, Ben Whishaw, Julie Walters, Samuel Joslin, Madeleine Harris, Carla Tous)
Кога Педингтон дознава дека неговата сакана тетка Луси исчезнала од Домот за пензионирани мечки, тој и Браунови одат во дивините на Перу да ја бараат, со единствена трага за неа во една точка обележана на една загадочна карта. Решен да ја реши мистеријата, Педингтон се впушта во возбудлива потрага низ прашумите на Амазон за да ја најде тетка си… и може да открие и едно од најлегендарните богатства на светот. Во третиот филм за Мечето Педингтон играат Хју Бонвил, Емили Мортимер, Џули Волтерс, Џими Бродбент, Имелда Стонтон, Карла Тус, Мадлин Харис, Самуел Џослин, Оливија Колман, Антонио Бандерас и Бен Вишо повторно како гласот на Педингтон.
Возрасна категорија: 7 години
Влезница: 150 денари
9 ЈАНУАРИ (ЧЕТВРТОК) 18:00 ч.
11 JАНУАРИ (САБОТА) 18:00 ч.
14 ЈАНУАРИ (ВТОРНИК) 14:00 ч.
КИНО УТРО
ПЛАНЕТА 7693
(Planeta 7693)
Игран филм, Црна Гора, Србија, Македонија
2024, 110 мин., колор, ДЦП
Режисер: Гојко Беркуљан (Gojko Berkuljan)
Сценарио: Ана Вујадиновиќ (Ana Vujadinović)
Улоги: Илија Пејаковиќ, Андрија Кузмановиќ, Кристина Обрадовиќ, Мара Ракчевиќ, Хана Иванишевиќ, Дејан Ѓоновиќ (Ilija Pejaković, Andrija Kuzmanović, Kristina Obradović, Mara Rakčević, Hana Ivanišević, Dejan Đonović)
Лука (9) живее со родителите и поголемата сестра во живописно соседство во предградието. По еден настан во неговото навидум хармонично семејство, недоразбирањата насобрани низ годините излегуваат на површина и предизвикуваат низа конфликти. Ткивото на семејството се кине. Лука бара начин како да ги поправи нарушените односи, повлекувајќи се во светот на „супер моќите“ и фантазијата, каде го запознава мистериозното девојче по име „7693“.
Возрасна категорија: 12 години
Влезница: 150 денари
10 ЈАНУАРИ (ПЕТОК) 11:00 ч.
13 ЈАНУАРИ (ПОНЕДЕЛНИК) 11:00 ч.
16 ЈАНУАРИ (ЧЕТВРТОК) 11:00 ч.
КИНО УТРО
БОЖИЌНАТА МАГИЈА НА ЖИВОТНИТЕ
(Animal Tales of Christmas Magic)
Игран анимиран филм, Франција,Германија
2024, 68 мин., колор, ДЦП
Режисер: Каролин Атиа, Чејлан Бејоглу, Олесја Шчукина, Харуна Киши, Камил Алмерас, Наталиа Чернишева (Caroline Attia, Ceylan Beyoğlu, Olesya Shchukina, Haruna Kishi, Camille Alméras, Natalia Chernysheva)
Сценарио: Каролин Атиа, Чејлан Бејоглу, Олесја Шчукина, Харуна Киши, Камил Алмерас, Наталиа Чернишева (Caroline Attia, Ceylan Beyoğlu, Olesya Shchukina, Haruna Kishi, Camille Alméras, Natalia Chernysheva)
Волшебни приказни се расплетуваат во „Божикната магија на животните“, каде празничните чуда оживуваат. Нурнете во овие прекрасни и модерни сказни во кои животните тргнуваат на магични патувања од Франција до Јапонија, до Далечниот север и неговата поларна светлина, ширејќи радост и великодушност. Секоја приказна е чудна и шармантна авантура зачинета со хумор и убавина специфична за зимската сезона. Дозволете поезијата да ви го плени срцето и да ве пренесе во свет каде божиќната магија нема граници.
За сите возрасти
Влезница: 150 денари
10 ЈАНУАРИ (ПЕТОК) 14:00 ч.
КИНО УТРО
КАРИРАН НИНЏА 2
(Ternet ninja / Checkered Ninja)
Игран анимиран филм, Данска,
2021, 86 мин., колор, ДЦП
Режисер: Андерс Матесен и Торбјорн Кристоферсен (Thorbjørn Christoffersen, Anders Matthesen)
Сценарио: Андерс Матесен (Anders Matthesen)
Во „Кариран Нинџа 2“ повторно ги следиме Алекс и неговата карирана нинџа кукла во нивната мисија против злобниот Филип Еперминт. Кога Еперминт ќе успее да ја избегне затворската казна во Тајланд, карираниот нинџа повторно оживува и го наоѓа Алекс. Заедно, со помош на семејството на Алекс, тие заминуваат за Тајланд за да го изведат злосторникот пред правдата. Алекс и неговата нинџа кукла ќе се впуштат во опасна мисија каде што нивното пријателство ќе биде ставено на сериозен тест.
Возрасна категорија: 7 години
Влезница: 150 денари
10 ЈАНУАРИ (ПЕТОК) 18:00 ч.
11 JАНУАРИ (САБОТА) 14:00 ч.
14 ЈАНУАРИ (ВТОРНИК) 11:00 ч.
15 ЈАНУАРИ (СРЕДА) 11:00 ч.
16 ЈАНУАРИ (ЧЕТВРТОК) 14:00 ч.
КИНО УТРО
ДЕДО МРАЗ СУПЕР ХЕРОЈ
(SuperKlaus)
Игран анимиран филм, САД,
2024, 86 мин., колор, ДЦП
Режисер: Стив Меџури, Андреа Себастиа (Steve Majaury, Andrea Sebastiá)
Сценарио: Хозе Анхел Хуанес, Харланд Вилијамс, Рафаел Азкарага (José Ángel Juanes, Harland Williams, Rafael Azcárraga)
Желбата на Дедо Мраз се остварува кога случајно ќе си ја удри главата и ќе почне да верува дека е Супер херој. Со помош на Били и Лео, неговиот елф-извршен асистент, Дедо Мраз супер херојот ќе се соочи со бизнисмен опседнат со играчки за да го спаси Божиќ.
Возрасна категорија: 7 години
Влезница: 150 денари
13 ЈАНУАРИ (ПОНЕДЕЛНИК) 14:00 ч.
КИНО УТРО
СОНИШТАТА НА ЕДЕН РОБОТ
(Robot Dream)
Анимиран филм, Франција, Шпанија
2024, 90 мин., колор, ДЦП
Режисер: Пабло Бергер (Pablo Berger)
Сценарио: Пабло Бергер, Сара Варон (Pablo Berger, Sara Varon)
Кучето живее на Менхетен и е уморно од осамениот живот. Еден ден решава да си направи пријател – робот. Нивното пријателство цвета сè додека не станат неразделни, водејќи живот карактеристичен за Њујорк во осумдесеттите години на минатиот век. Една ноќ кучето е принудено да го остави роботот на плажа, што многу го растажува. Дали тие двајца некогаш повторно ќе се сретнат?
Филмот СОНИШТАТА НА ЕДЕН РОБОТ е базиран на графичкиот роман на Сара Варон.
Возрасна категорија: 7 години
Влезница: 150 денари
17 ЈАНУАРИ (ПETOК) 20:00ч
ЗИМСКО ИЗДАНИЕ НА ИФФК „БРАЌА МАНАКИ“ И МРЕЖАТА НА ФЕСТИВАЛИ ОД ЈАДРАНСКИОТ РЕГИОН
Зимското издание на ИФФК „Браќа Манаки“ и Мрежата на фестивали од јадранскиот регион ги промовира регионалните копродукции. Во рамките на зимското издание ќе прикажеме пет наслови, копродукции меѓу најмалку две земји од регионот што се членки на Мрежата, кои ги имаат обележано изминатите три години. Првиот филм ќе се прикаже во кино салата на Кинотека, а останатите на дигитална платформа.
ЕКСКУРЗИЈА
(Eksusrzija)
Игран филм, Босна и Херцеговина, Норвешка, Хрватска, Србија, Катар
2023, 93 мин., Колор, ДСП
Режисер: Уна Гуњак (Una Gunjak)
Сценарио: Уна Гуњак(Una Gunjak)
Улоги: Асја Зара Лагумџија, Маја Изетбеговиќ, Медиха Мусловиќ, Изудин Бајровиќ (Asja Zara
Lagumdžija, Nađa Spaho, Maja Izetbegović, Mediha Musliović, Izudin Bajrović)
Додека нејзиното одделение се подготвува за екскурзија, Иман го привлекува вниманието на
едно постаро момче. Откако по една игра се шири гласина низ училиштето дека Иман е бремена
што ја загрозува ексурзијата, Иман се наоѓа во бура од очекувања и ограничувања, а настаните
што ги предизвикала излегуваат од контрола.
ЕКСКУРЗИЈА е долгоочекуваното долгометражно деби на босанската режисерка Уна Гуњак, чиј
краток филм КОКОШКА, беше добитник на награда за најдобар краток филм на Европската
филмска академија (ЕФА) во 2014та година. ЕКСКУРЗИЈА ја имаше својата премиера на филмскиот
фестивал во Локарно, каде што ја доби специјалната награда во програмата Concorso Cineasti del
presente.
Филмот раскажува актуелна филмска приказна за растењето на една тинејџерка во време на
несигурност, распаѓање на моралните вредности и владеењето на селфи културата.
Возрасна категорија: 16 години
Влезница: 150 денари
20 ЈАНУАРИ (ПОНЕДЕЛНИК) 20:00 ч.
ЉУБОВНАТА СОБА
(Love Room)
Документарен филм, Македонија
2022, 90 мин., колор, ДЦП
Режисер: Сузана Диневски (Сузана Диневски)
Сценарио: Сузана Диневски (Сузана Диневски)
Интимни приказни на неколку жени за нивното емотивно, социјално и психолошко патешествие што го минуваат додека нивните мажи или партнери се наоѓаат на отслужување на затворски казни. Филмот го раскажува влијанитето кое интимните затворски посети ги имаат врз неколкуте жени од Балканот, преку самите карактери на овие исклучителни жени и нивните трансформации.
Возрасна категорија: 12 години
Влезница: 150 денари
23 ЈАНУАРИ (ЧЕТВРТОК) 19:00 ч.
ЗОНА НА ИНТЕРЕС
(The Zone of interest)
Игран филм, Обединето кралство, САД, Полска
2023, 105 мин., колор, ДЦП
Режисер: Џонатан Глејзер (Jonathan Glazer)
Сценарио: Џонатан Глејзер (Jonathan Glazer)
Улоги: Сандра Хилер, Кристијан Фридел (Sandra Hüller, Christian Friedel)
„Зона на интерес“, во режија на Џонатан Глејзер, е филм кој ја истражува монструозноста на обичноста во сенката на најголемото зло на човештвото. Сместен во идиличната куќа на семејството на Рудолф Хес, командантот на логорот Аушвиц, филмот ги следи нивните секојдневни животи.
Семејството се чини совршено – мајка посветена на своите деца, татко кој со прецизност ги извршува своите „должности“, и дом полн со хармонија. Но, зад ѕидовите на нивната градина се одвива најголемата трагедија на Холокаустот. Филмот ги избегнува директните сцени на насилство, но присуството на злото е секогаш опипливо, преку звуците, визуелните алузии и неподносливата нормализација на ужасот.
Глејзер, адаптирајќи го романот на Мартин Ејмис, успева да ја пренесе основната порака на делото: како е возможно луѓето да продолжат со своите мали, банални животи додека на чекор од нив се случува нешто толку нечуено?
„Зона на интерес“ е филм кој не нуди лесен одговор, ниту морален суд. Глејзер успева да создаде силно и вознемирувачко искуство, поставувајќи ги гледачите директно пред некомфортната вистина: злото често постои не како исклучок, туку како дел од секојдневието.
Возрасна категорија: 16 години
Влезница: 150 денари
24 ЈАНУАРИ (ПЕТОК) 19:00 ч.
ТЕМНИ САТЕЛИТИ
(Die stillen Trabanten)
Игран филм, Германија
2022, 120 мин., колор, ДЦП
Режисер: Томас Стубер (Thomas Stuber)
Сценарио: Клеменс Мејер, Томас Стубер (Clemens Meyer, Thomas Stuber)
Улоги: Мартина Гедек, Настасја Кински, Алберт Шух, Питер Курт (Martina Gedeck, Nastassja Kinski, Albrecht Schuch, Peter Kurth )
ТЕМНИ САТЕЛИТИ е германски филм од 2022 година во режија на Томас Стубер. Филмот е базиран на истоимениот роман на Клеменс Мајер во кој се испреплетуваат три различни приказни кои се случуваат на периферијата, далеку од светлата на големиот град.
Јенс, сопственик на снек бар се заљубува во својата сосетка Аиша додека пуши цигари на скалите. Чуварот Ерик, при неговите рутински обиколки на прифатилиштeтo за странци, ја запознава младата Марика (имигрант од Источна Европа) кон која развива чуства. Чистачката Криста исто така бара утеха покрај фризерката Биргит (Настасја Кински) со која редовно се среќава по завршувањето на нејзината смена. Три приказни, една заедничка желба: искра на љубов, допир на привлечност и чувство на сигурност.
Возрасна категорија: 12 години
Влезница: 150 денари
25 ЈАНУАРИ (САБОТА) 19:00 ч.
СОВРШЕНИ ДЕНОВИ
(Perfect days)
Игран филм, Германија, Јапонија
2023, 124 мин., колор, ДЦП
Режисер: Вим Вендерс (Wim Wenders)
Сценарио: Вим Вендерс, Такума Такасаки (Wim Wenders, Takuma Takasaki)
Улоги: Коџи Јакушо, Токио Емото, Ариса Накано (Kōji Yakusho, Tokio Emoto, Arisa Nakano )
ПЕРФЕКТНИ ДЕНОВИ на Вим Вендерс е интимен и лирски портрет на човек кој наоѓа радост во едноставните моменти од животот. Филмот го следи Хирајама, тивок и интровертен човек во Токио, кој работи како чистач на јавни тоалети.
Секојдневието на Хирајама е рутина исполнета со мали ритуали: слушање музика на касети, читање книги и набљудување на градскиот живот околу него. Неговата работа, иако едноставна, е изведувана со посветеност и внимание. Но, под оваа мирна површина се крие минато полно со тага и неизговорени емоции, кои полека се откриваат низ мали навестувања.
„Перфектни денови“ е вистинско сведоштво за мајсторството на Вендерс во креирањето на емотивни и визуелно фасцинантни приказни. Филмот не брза; наместо тоа, му дозволува на гледачот да го впие секој момент, секој детал, и секој здив на ликот.
Музиката има клучна улога во филмот, со внимателно избрани песни кои го одразуваат внатрешниот свет на Хирајама. Оваа комбинација на звук и слика создава топлина и меланхолија кои ја обележуваат целата приказна.
„Перфектни денови“ е филм кој ги слави тишината, едноставноста и убавината на секојдневието. Вендерс успева да создаде дело кое е истовремено медитативно и длабоко емотивно, потсетувајќи нè дека најголемите животни приказни често се сокриени во најмалите моменти.
Возрасна категорија: 16 години
Влезница: 150 денари
27 ЈАНУАРИ (ПОНЕДЕЛНИК) 20:00 ч.
САМО НИЕ ДВАЈЦА
(L’amour et les forêts)
Игран филм, Франција
2024, 105 мин., колор, ДЦП
Режисер: Валери Донзели (Valérie Donzelli)
Сценарио: Одри Диван, Валери Донзели, Ерик Рајнхарт (Audrey Diwan, Valérie Donzelli, Éric Reinhardt)
Улоги: Виржини Ефира, Мелвил Попу, Доминик Рејмонд, Роман Борингер, Вижини Ледојен (Virginie Efira, Melvil Poupaud, Dominique Reymond, Romane Bohringer, Virginie Ledoyen)
Кога Бланш се запознава со Грегоар, таа мисли дека го пронашла мажот на нејзиниот живот. Нивната љубовна приказна е полна со страст и нештата што ги обединуваат брзо се испреплетуваат. Парот се сели, а Бланш се оддалечува од семејството, од нејзината сестра близначка, отворена е за нов живот. Но, чекор по чекор, таа сфаќа дека е вовлечена во лоша врска со опасен и посесивен маж.
Возрасна категорија: 16 години
Влезница: 150 денари
28 ЈАНУАРИ (ВТОРНИК) 19:00 ч.
МАКЕДОНСКО ЌОШЕ – СЕЛЕКЦИЈА НА ФИЛМОВИ ОД МЛАДИ МАКЕДОНСКИ ФИЛМСКИ АВТОРИ
Македонско ќоше е селекција на млади македонски филмски автори и нивните филмови од најновата продукција. Проекциите ќе бидат проследени со разговори и прашања и одговори, со присутните автори.
ПРОШЕТКА
(The Walk)
Краток игран филм, Македонија
2024, 13 мин., колор, ДЦП
Режисер: Елеонора Венинова (Eleonora Veninova)
Сценарио: Елеонора Венинова (Eleonora Veninova)
Улоги: Билјана Драгиќевиќ Пројковска, Надја Кирковска (Biljana Dragicevic Projkovska, Nadja Kirkovska)
Девојче и нејзината придружничка шетаат и разговараат за животот и што се случува по него.
ТУРБО НЕТ
(Turbo Net)
Краток игран филм, Македонија, Швајцарија
2024, 19 мин., колор, ДЦП
Режисер: Надежда Панов (Nadezhda Panov)
Сценарио: Надежда Панов (Nadezhda Panov)
Улоги: Катина Иванова, Валентина Грамосли, Исидор Јовановски, Ивана Павлаковиќ (Katina Ivanova, Valentina Gramosli, Isidor Jovanovski, Ivana Pavlakovic)
Едно повеќегенерациско македонско семејство се наоѓа во неизвесност по ненадејната смрт на патријархот, оставајќи зад себе застарено сајбер-кафе и куќа на која и е потребна реновирање.
БАГ
(Bug)
Краток игран филм, Македонија
2024, 11 мин., колор, ДЦП
Режисер: Филип Момировски (Filip Momirovski)
Сценарио: Филип Момировски (Filip Momirovski)
Улоги: Ирена Илиевска, Матеа Јанковска (Irena Ilievska, Matea Jankovska)
Тања, невработена челистка ангажирана како тестер на софтвер за музички старт-ап, испробува паметен звучник, кој генерира музика врз основа на чувствата на слушателот. Работите тргнуваат во ужасен правец кога паметниот звучник одекнува со застрашувачки звуци среде ноќтa.
АМИН
(Амин)
Краток игран филм, Македонија,
2024, 20 мин., колор, ДЦП
Режисер: Ана Марија Јанковиќ (Ana Marija Jankovic)
Сценарио: Ана Марија Јанковиќ (Ana Marija Jankovic)
Улоги: Петар Горко, Маја Андоновска Илиевски, Петар Мирчевски (Petar Gorko, Maja Andonovska Ilievski, Petar Mirchevski)
Пензиониран германски официр од Втора светска војна се соочува со пост трауматска депресија и растројство на личноста, кои го доведуваат до хистерија и халуцинации, фатални за неговата сопруга.
ТАГА
(Sadness)
Краток игран филм, Македонија
2023, 15 мин., колор, ДЦП
Режисер: Тина Величковиќ (Tina Velickovic)
Сценарио: Тина Величковиќ (Tina Velickovic)
Улоги: Филип Трајковиќ, Ивица Димитријевиќ, Филип Христовски, Стефан Николовски, Ања Митиќ, Александар Микиќ (Filip Trajkovic, Ivica Dimitrijevic, Filip Hristovski, Stefan Nikolovski, Awa Matic, Aleksandar Mikic )
Маж со нормална работа, во нормално секојдневие, постојано опкружен со луѓе, не може да најде ниту еден човек кој ќе го сослуша и на кого ќе може да му ги раскаже своите маки.
АНИМАКС СКОПЈЕ ФЕСТ
29 ЈАНУАРИ (СРЕДА) 20:00 ч.
30 ЈАНУАРИ (ЧЕТВРТОК) 20:00 ч.
31 ЈАНУАРИ (ПЕТОК) 20:00 ч.
