2 ЈУНИ (ПОНЕДЕЛНИК) 20:00 ч.
„СЕКС“
(Sex)
Игран филм, Норвешка
2025, 125 мин., колор, ДЦП
Режисер: Даг Јохан Хогеруд (Dag Johan Haugerud)
Сценарио: Даг Јохан Хогеруд (Dag Johan Haugerud)
Улоги: Јан Гунар Роизе, Торбјорн Харм Сири Форбергм Биргит Ларсен, Тео Дал (Jan Gunnar Roise, Torbjorn Har, Siri Forberg, Birgitte Larsen, Theo Dahl)
Двајца мажи, и двајцата во хетеросексуални бракови, имаат неочекувано искуство што ги предизвикува да го преиспитаат нивното разбирање за сексуалноста, полот и идентитетот. Еден од нив има сексуална средба со друг маж без да го смета за израз на хомосексуалност или неверство и разговара со неговата сопруга. Друг сонува ноќе и се гледа себеси како жена, што му предизвикува збунетост и го наведува да се запраша колку ставовите на другите ја обликуваат неговата личност.
Возрасна категорија: 16 години
Влезница: 150 денари
3 ЈУНИ (ВТОРНИК) 20:00 ч.
„ЉУБОВ“
(Kjærlighet/LOVE)
Игран филм, Норвешка
2024, 119 мин., колор, ДЦП
Режисер: Даг Јохан Хогеруд (Dag Johan Haugerud)
Сценарио: Даг Јохан Хогеруд (Dag Johan Haugerud)
Улоги: Андреа Бреин Ховиг, Тајо Ситадела Јакобсен, Марте Енгебгригцен (Andrea Bræin Hovig, Tayo Cittadella Jacobsen, Marte Engebrigtsen)
Маријан, прагматичен лекар и Тор, сочувствителен медицински техничар – обајцата избегнуваат конвенционални односи. Една вечер, по состанок на слепо, Маријан го запознава Тор на траектот. Тор, кој често ги поминува ноќите таму барајќи случајни средби со мажи, ги споделува своите искуства за спонтана интимност. Заинтригирана од неговата перспектива, Маријан почнува да истражува дали и едноставната интимност може да биде опција за неа. Љубовта е дел од трилогијата Секс-Љубов-Соништа на режисерот Даг Јохан Хаугеруд.
Возрасна категорија: 16 години
Влезница: 150 денари
4 ЈУНИ (СРЕДА) 20:00 ч.
„СМРТТА ВО ВЕНЕЦИЈА“
(Morte a Venezia)
Игран филм, Италија, Франција
1971, 130 мин. Колор, ДЦП
Режија и Сценарио: Лукино Висконти (Luchino Visconti)
Улоги: Дирк Богард, Бјорн Андресен, Мариса Беренсон (Dirk Bogarde, Bjorn Andresen, Marisa Berenson)
Во овој антологиски филм, Лукино Висконти создава длабоко меланхолична и естетски префинета екранизација на истоимениот роман од Томас Ман. Наместо писател како во оригиналот, главниот лик во филмот е претставен како остарен германски композитор — Густав фон Ашенбах (маестрално одигран од Дирк Богард) — кој доаѓа во Венеција во потрага по мир и внатрешна рамнотежа. Таму, сместен во елегантниот, но сенишен хотел на Лидо, тој станува опседнат од младото полско момче Тадио, чие присуство за него станува симбол на идеалната, аполонска убавина.
Како што се шири епидемија низ Венеција, која властите ја прикриваат, Ашенбах сè подлабоко тоне во состојба на внатрешна распаднатост. Опсесијата со убавината на Тадио не е еротска колку што е естетска, платонска и трагична — одраз на желбата за апсолутно совршенство што го разјадува телото и духот.
Музиката од Густав Малер, особено Adagietto од Петтата симфонија, го засилува чувството на неминовна загуба и тивка пропаст. Висконти мајсторски го поврзува личното распаѓање со поширокиот културен и цивилизациски пад на Европа пред Првата светска војна.
„Смртта во Венеција“ е бавен, но длабоко вознемирувачки филм — тивок лебедов отпев за уметноста, младоста, смртта и невозможната убавина што нè привлекува и уништува во исто време.
Возрасна категорија: 16 години
Влезница: 150 денари
5 ЈУНИ (ЧЕТВРТОК) 20:00 ч.
„СВЕТА КРАВА“
(Vingt dieux)
Игран филм, Франција
2024, 92 мин., колор, ДЦП
Режисер: Луиз Курвоазие (Louise Courvoisier)
Сценарио: : Луиз Курвоазие, Тео Абади (Louise Courvoisier, Théo Abadie)
Улоги: Клемент Фаво, Мајвен Бартелеми (Clément Faveau, Maïwene Barthelemy)
Безгрижниот тинејџерски живот на Тотоне во пиење и танцување добива пресврт кога тој мора да се грижи за својата 7-годишна сестра. Барајќи приход, тој ја насочува својата енергија во производство на наградуваното сирење „Комте“ за да добие награда на натпреварување.
Возрасна категорија: 16 години
Влезница: 150 денари
16 ЈУНИ (ПОНЕДЕЛНИК) 20:00 ч.
„СЕМЕТО НА СВЕТАТА СМОКВА“
(The Seed of the Sacred Fig)
Игран филм, Франција / Иран / Германија
2023, 168 мин., колор, ДЦП
Режија: Mohammad Rasoulof (Mohammad Rasoulof)
Сценарио: Mohammad Rasoulof (Mohammad Rasoulof)
Улоги: Soheila Golestani, Missagh Zareh, Mahsa Rostami, Setareh Aghababaei
Унапредувањето на Иман во истражен судија се совпаѓа со протестите во Техеран по смртта на една млада жена. Додека тој се бори со обемот на работа, неговите ќерки се затечени од настаните, а неговата сопруга се обидува да го издржува семејството. Кога ќе му исчезне пиштолот, тој се сомнева во нив.
Филмот освои две награди на Канскиот фестивал во 2023 година, а беше номиниран и за „Оскар“ во 2024.
Возрасна категорија: 16 години
Влезница: 150 денари
7 ЈУНИ (САБОТА) 20:00 ч.
„АРМАНД“
(Armand)
Игран филм, Норвешка, Холандија, Германија, Шведска
2025, 116 мин., колор, ДЦП
Режија: Халфдан Улман Тондел (Halfdan Ullmann Tøndel)
Сценарио: Халфдан Улман Тондел (Halfdan Ullmann Tøndel)
Улоги: Ренат Реинзве, Јостејн Рогер, Ендре Хелествеит, Теа Ламбрехтс Ваулен, Локе Николаисен, Вера Вељовиќ-Јовановиќ) (Renate Reinsve, Ellen Dorrit Petersen, Øystein Røger, Endre Hellestveit, Thea Lambrechts Vaulen, Loke Nikolaisen, Vera Veljovic-Jovanović)
Едно кобно попладне во основно училиште, шестгодишниот Арманд е обвинет дека бил арогантен кон својот најдобар пријател Џон. Набргу потоа, мајките на двете момчиња влегуваат во судир, очајнички обидувајќи се да откријат чие дете е навистина виновно. Иако никој не знае што всушност се случило, овој инцидент брзо ескалира во хаотична мрежа од обвинувања, психолошки игри и емоционални пресметки меѓу родителите и наставниците.
„АРМАНД“, дебитантскиот филм на норвешкиот режисер Халфдан Улман Тендел(внук на Лив Улман и Ингмар Бергман), награден со „Златна камера“ во Кан 2024 е смела интензивна драма која храбро ги истражува темите на родителската одговорност, општествените маски и кршливоста на човечката психа.
Возрасна категорија: 16 години
Влезница: 150 денари
9 ЈУНИ (ПОНЕДЕЛНИК) 20:00 ч.
10 ЈУНИ (ВТОРНИК) 20:00 ч.
11 ЈУНИ (СРЕДА) 20:00 ч.
12 ЈУНИ (ЧЕТВРТОК) 20:00 ч.
13 ЈУНИ (ПЕТОК) 20:00 ч.
14 ЈУНИ (САБОТА) 20:00 ч.
НЕДЕЛА НА ИТАЛИЈАНСКИ ФИЛМ
18 ЈУНИ (СРЕДА) 20:00 ч.
19 ЈУНИ (ЧЕТВРТОК) 20:00 ч.
20 ЈУНИ (ПЕТОК) 20:00 ч.
21 ЈУНИ (САБОТА) 20:00 ч.
НЕДЕЛА НА ПЕРУАНСКИ ФИЛМ
23 ЈУНИ (ПОНЕДЕЛНИК) 20:00 ч.
„РИВИЕРА“
(Riviera)
Игран филм, Грција
2024, 84 мин., колор, ДЦП
Режија: Орфеас Перецис (Orfeas Peretzis)
Сценарио: Орфеас Перецис (Orfeas Peretzis)
Улоги: Ева Самиоти, Михалис Сириопулос, Мариа Апостолаеа (Eva Samioti, Mihalis Siriopoulos, Maria Apostolakea)
Палма што умира, пропадната романса и мајка која сака да продолжи понатаму. Ова ќе биде последното лето на Алкистис на атинската ривиера.
„РИВИЕРА“ е трогателно филмско деби на Орфеас Перетзис, кој го прикажува емотивниот крај на летото на тинејџерка на Атинската Ривиера. Филмот ја следи Алкистис (Ева Самиоти), 17-годишна девојка што се справува со загубата на татко ѝ, и промените во нејзиниот семеен дом. Перетзис создава носталгична атмосфера, инспирирана од неговите спомени за грчките приморски градови кои полека умираат, а кинематографијата на Јоргос Валсамис се надоврзува со користење на телеобјективи за да ја прикаже емоционалната длабочина и убавината на младоста на оваа носталгична и меланхолична приказна. „РИВИЕРА“ е ветувачко и визуелно богато филмско деби на Орфеас Перетзис кој допрво има што да каже.
Возрасна категорија: 16 години
Влезница: 150 денари
24 ЈУНИ (ВТОРНИК) 20:00 ч.
„СТРАНЕЦОТ“
(Чужденецът)
Игран филм, Бугарија, Франција
2012, 100 мин., колор, ДЦП
Режија: Ники Илиев (Niki Iliev)
Сценарио: Ники Илиев (Niki Iliev)
Улоги: Љубомир Ковачев, Сања Борисова, Ники Илиев (Lubomir Kovatchev, Sanya Borisova, Niki Iliev)
Французин се заљубува во една бугарска селска девојка со бурен темперамент. Следејќи го повикот на своето срце, тој почнува да го бара селото каде што живее таа, без да го знае карактерот и јазикот на луѓето што живеат таму.
„СТРАНЕЦОТ“ е шармантна бугарска романтична комедија на актерот Ники Илиев. Приказната го следи Жерар, Французин што се вљубува во енергичната Магдалена и тргнува на забавна потрага да го пронајде нејзиното село, соочувајќи се со културни разлики. Ники Илиев, кој и самиот глуми една од улогите, внесува носталгична атмосфера на француските комедии од 1970-тите, создавајќи интересен микс од хумор и топлина. Во филмот камео улога има и познатиот Кристофер Ламберт.
Возрасна категорија: 16 години
Влезница: 150 денари
25 ЈУНИ (СРЕДА) 20:00 ч.
„КУЧЕ ПРЕД СУД“
(Le Procès du chien)
Игран филм, Швајцарија, Франција
2024, 85 мин., колор, ДЦП
Режија: Летисиа Дош (Laetitia Dosch)
Сценарио: Летисиа Дош, Ан-Софи Бејли, Жил Маршан (Laetitia Dosch, Anne-Sophie Bailly, Gilles Marchand)
Улоги: Летисиа Дош, Франсоа Дамиенс, Жан-Паскал Зади (Laetitia Dosch, François Damiens, Jean-Pascal Zadi)
Аврил е идеалистичка адвокатка со склоност кон безнадежни случаи. Таа се согласува да го брани кучето, Космос, кој има каснато тројца луѓе, што доведува до првото судење на куче, уште од средниот век. Таа чувствува притисок да го добие случајот, бидејќи во спротивно врз нејзиниот необичен клиент ќе биде извршена евтаназија.
„КУЧЕ НА СУД“ е духовита и оригинална швајцарско-француска комедија во режија на Летиција Дош, која со голема умешност комбинира судска драма и општествена сатира. Режисерката Летисиа Дош ја игра и главната улога, адвокатка која со страст го брани Космос, куче обвинето за каснување. Инспириран од вистински настан, филмот нуди свежа комбинација од хумор, длабоки размислувања за животните и коментари за општеството.
Филмот ја имаше својата светска премиера на 77-миот Кански филмски фестивал 2024 година во селекцијата „Извесен поглед“. Кучето Коди кое го игра Космос ја освои наградата „Палм Дог“ за најдобра кучешка улога. Дебито на Дош е духовито, но и трогателно, поставувајќи храбри прашања за правдата со многу шарм.
Возрасна категорија: 16 години
Влезница: 150 денари
26 ЈУНИ (ЧЕТВРТОК) 20:00 ч.
„НОВАТА ГОДИНА ШТО НИКОГАШ НЕ ДОЈДЕ“
(Anul nou care n-a fost)
Игран филм, Романија
2024, 138 мин., колор, ДЦП
Режија: Богдан Мурешану (Bogdan Muresanu)
Сценарио: Богдан Мурешану (Bogdan Muresanu)
Улоги: Адриан Ванцица, Николета Ханчу, Емилиа Добрин (Adrian Vancica, Nicoleta Hâncu, Emilia Dobrin)
„НОВАТА ГОДИНА ШТО НИКОГАШ НЕ ДОЈДЕ“ е прекрасен дебитантски филм на Богдан Мурешану, трагикомедија чие дејство се одвива во еден ден, пред контрареволуцијата од 1989 година. Филмот спојува шест трогателни приказни – од татко загрижен за писмото на неговиот син, до актерка во пропагандно шоу – прикажувајќи го животот под режим во распаѓање каде ликовите бараат нормалност, безбедност, љубов, слобода и смисла, во еден апсурден свет поттикнат од страв.
Мурешану создава богата нарација, поддржана од кинематографијата на Борока Биро и Тудор Платон, со совршена рамнотежа на хумор и емоции.
Извонредната глума на Адриан Ванцица, Николета Ханчу и Емилиа Добрин внесува автентичност и длабочина во наративот. Тие со суптилност ги пренесуваат сложените внатрешни конфликти на ликовите кои се на граница меѓу стравот и слободата.
Филмот е визуелно префинет и внимателно режиран, со долги кадри и пригушена колоритна палета што ја доловува тежината на времето. Мурешану не паѓа во патетика – неговиот пристап е воздржан, но длабоко трогателен, со чувство за детал што зборува повеќе од сто зборови.
Филмот не е само историска реконструкција – тоа е медитација за промена, загуба и трансформација. Тој нè потсетува дека понекогаш новите почетоци доаѓаат најбавно и најболно, но и дека токму во тие мигови се наоѓаат најдлабоките вистини за човечноста.
Возрасна категорија: 16 години
Влезница: 150 денари
27 ЈУНИ (ПЕТОК) 18:00 ч.
Albanian film (to confirm)
Возрасна категорија: 16 години
Влезница: 150 денари
27 ЈУНИ (ПЕТОК) 20:00 ч.
„РУ“
(Рu)
Игран филм, Канада, Франција
2023, 120 мин., колор, ДЦП
Режија: Шарл-Оливие Мишо (Charles-Olivier Michau)
Сценарио:Жак Давидс, Шарл-Оливие Мишо , Ким Тхуј (Jacques Davidts, Charles-Olivier Michaud, Kim Thúy)
Улоги: Коле Џанџи, Шантал Тхуј, Жин Буи (Chloé Djandji, Chantal Thuy, Jean Bui)
По опасното бегство преку море и престојот во бегалски камп во Малезија, младата Виетнамка Тин и нејзиното семејство се прифатени како бегалци во Канада и пристигнуваат во Монтреал каде што го започнуваат својот нов живот. Но, за неа, адаптацијата на тој живот има свои тешкотии.
Ру е базиран врз истоимениот наградуван роман на Ким Туј. Тоа приказна за тешкото патување на богато семејство кое бега од Виетнам, пред да заврши во Квебек. Преку погледот на младата Тин (Клои Џанџи), филмот ја доловува болката на раселувањето и радоста на новите почетоци, сместени во зимскиот Монтреал.
„РУ“ е интезивен филм, во кој мачните флешбекови од бегството, криењето во згради и патувањето со брод се комбинираат со сцените на семејството во снежниот Квебек, каде се обидуваат да се снајдат во еден многу поинаков свет од оној на кој биле навикнати.
Режисерот Шарл Оливие–Мишо и кинематограферот Жан Франсоа-Лорд создаваат поетска атмосфера, а изведбата на Џанџи е срдечна и суптилна, поддржана од Шантал Туи и Жан Буи.
Возрасна категорија: 16 години
Влезница: 150 денари
28 ЈУНИ (САБОТА) 18:00 ч.
„НЕВЕСТАТА НА ПОЕТОТ“
(La Fiancée du poète)
Игран филм, Белгија, Франција
2023, 103 мин., колор, ДЦП
Режија: Јоланд Моро (Yolande Moreau)
Сценарио: Федерик Моро (Frédérique Moreau, Yolande Moreau)
Улоги: Јоланд Моро, Серхи Лопез, Грегори Гадебоиси (Yolande Moreau, Sergi López, Grégory Gadeboisi)
„НЕВЕСТАТА НА ПОЕТОТ“ е француско-белгиска комедија во режија на Јоланд Моро, позната белгиска комичарка и актер. Моро ја игра Миреј, љубителка на сликарството и поезијата, која работи келнерка во кафетерија, додека заработува и од ситни кражби и шверц со цигари. Не можејќи да си дозволи да го одржува големиот семеен дом на бреговите на реката Меза, кој го наследила со својата сестра, Миреј вдомува тројца необични станари – градинар, студент и музичар. Но работите ќе се закомплицираат кога ќе се врати поетот, нејзината голема љубов од младоста.
Медитативниот спор ритам, визуелната убавина и срдечната порака за животот го прават филмот вистинско филмско задоволство.
Возрасна категорија: 16 години
Влезница: 150 денари
28 ЈУНИ (САБОТА) 20:00 ч.
„СИТЕ ВАШИ ЛИЦА“
(Je verrai toujours vos visages)
Игран филм, Франција
2023, 118 мин., колор, ДЦП
Режија: Жан Ери (Jeanne Herry)
Сценарио: Жан Ери (Jeanne Herry)
Улоги: Биран Б, Лејла Бекти, Ан Беноа (Birane Ba, Leïla Bekhti, Anne Benoît)
Од 2014 година, Франција воведува ресторативна правда, односно им нуди на жртвите и сторителите на кривични дела можност за дијалог на безбеден начин, под надзор на професионалци и волонтери. Овој процес е патување, низ кој има гнев и надеж, тишина и зборови, свест и вратена самодоверба.
„СИТЕ ВАШИ ЛИЦА“ е длабоко трогателна драма на Жан Ери, која ја истражува моќта на ресторативната правда. Филмот ги спојува жртвите и сторителите на насилни злосторства преку дијалози за исцелување, прикажани во групни сесии и лични средби. Ери со око на внимателен истражувач, создава искрена приказна полна со надеж.
Возрасна категорија: 16 години
Влезница: 150 денари
30 ЈУНИ (ПОНЕДЕЛНИК) 20:00 ч.
„УБИЈ ГИ ПРВО ДЕЦАТА“
(Kill the Children first)
Игран филм, Македонија
2024, 106 мин., колор, ДЦП
Режисер: Димитар Оровчанец (Dimitar Orovchanec)
Сценарио: Димитар Оровчанец, Александар Русјаков (Dimitar Orovchanec, Aleksandar Rusjakov)
Улоги: Миа Жиро, Мартин Ѓоргоски, Стефан Спасов (Mia Giraud, Martin Gjorgoski, Stefan Spasov)
„УБИЈ ГИ ПРВО ДЕЦАТА“ е комична приказна за тинејџерка балерина, нејзиниот лудо вљубен дечко и неговиот налудничав најдобар другар со украден полициски пиштол, кои се губат во најдлабоките лавиринти на скопското криминално подземје заради мобилен телефон што содржи компромитирачко видео.
Возрасна категорија: 16 години
Влезница: 150 денари
