ПРИЛОГ 1 – УДАРНИЦИТЕ – ИНИЦИЈАТОРИ НА НАТПРЕВАРИ /
Ударниците од колективот на тутунската станица во Струмица иницираат натпревар. Поканата за натпревар, до сите тутунски работници, ја упатува истакнатата ударничка Катерина Стерјова, на конференција на ударничкиот колектив во чест на V Конгрес на КПЈ. Во крупен план е прикажана ударничката Ленка Бабанова. Таа прва ја прифаќа поканата и дава обврска за првенство и надминување на нормата, поздравена од ударниците. Во наредната секвенца прикажан е натпреварувачкиот дел; од работниот процес во подготовка на тутунската суровина за фабрикација: чешлање на тутунот, разлистување и пакување во бали. Ударниците ја надминуваат нормата, а станицата го остварува полугодишниот план пред предвидениот рок.
Напишано од м-р Сунчица Веселиновска
