Пепо Или

(Корча, Албанија, 18.06.1948 – ) Албански режисер, новинар и филмски критичар. Во 1969 година дипломирал на филолошкиот оддел на Универзитетот во Тирана. По дипломирањето, започнал да работи во албанската телевизија како новинар. Еден е од пионерите на албанскиот телевизиски филм и еден од првите филмски критичари. Во 1980-1982 година бил уметнички директор на албанската телевизија. Предава на Катедрата за новинарство на Универзитетот во Тирана. Во 2008 година, бил член во жирито на меѓународниот филмски фестивал во Тирана. Во 1986 година ја добил главната награда на Фестивалот на албански документарен филм.