(с.Дуње, Прилепско, 15.02.1927 – ) Мајстор на аматерскиот филм. Добитник на плакетата на УНИКА.
Воен пензионер. Со аматерски филм се занимава од 1963 година во фото-киноклубот „Козјак“ во Куманово. Ристевски ги негува сите родови и обработува најразлични теми. Ќе остане запаметен по неговите документарни филмови од етнографското наследство, како и по кратките играни еротски филмови.
Златни плакети за најдобар филм на Меѓународниот фестивал во Јесенице, 1975 година и на Меѓународниот фестивал ОСФАФ во Скопје 1975 година;
Сребрена плакета на Меѓународниот фестивал во Трст 1975 година, за филмот „Бачило“ (1974, документарен, нормал 8 мм, црно-бел, 12 минути);
Златни плакети за најдобар филм на Републичкиот фестивал во Кавадарци, 1984 година, на Меѓуклупскиот фестивал во Битола 1993 година и на Меѓуклупскиот фестивал во Бачка Топола, 1986 година, за филмот „Лефур“ (1984, документарен, супер 8 мм, колор, 10 минути);
Златни плакети за најдобар филм на Меѓународниот фестивал ЖИСЕЛ во Омољица, 1988 и на Републичкиот фестивал во Пробиштип, 1989 година, како и Златни плакети за режија и камера на Републичкиот фестивал во Пробиштип, 1989 година, за филмот „Пастрмаљка“ (1988, документарен, супер 8 мм, колор, 9 минути);
Најдобар филм на Меѓуклупскиот фестивал во Омољица, 1976 година, за филмот „Стриг“ (1976, документарен, нормал 8 мм, црно-бел, 12 минути);
Златна плакета за најдобар филм на Републичкиот фестивал во Кавадарци, 1991 година, Сребрена плакета на Меѓуклупскиот фестивал во Бачка Топола, 1990 година, за филмот „Факрац“ (1989, игран, супер 8 мм, колор, 15 минути);
Златна плакета за најдобар документарен филм на Републичкиот фестивал во Свети Николе, 1993 година, за филмот „Шеки“ (1993, документарен, супер 8 мм, колор, 10 минути);
Златна плакета за најдобар филм на Меѓуклупскиот фестивал ЖИСЕЛ во Омољица, 1991 година, за филмот „Саматра“ (1990, документарен, супер 8 мм, колор, 8 минути).
